Faruk Buzhala: Reklama

Faruk Buzhala: Reklama


Prej mishit në kore

fati rrokulliset si lëmsh

me fillin mbetur në nisje,

rrugë e vijëzuar përgjysmë

ndan kahjet kundërthënëse

të çastit në pritje të rastit.

Kontura hijesh në lëvizje

tregojnë për sensin e bërthamës

të mbjellur në arat e shkrumuara

nga prushin e ruajnë për ritual

në enën e ndryshkur të shekujve.



Pritja është e gjatë sa mitet

e fruti nuk ka të çelur?!.



Eh se si vrapojnë idetë

transformuar në njerëz

kalërojnë mushkat mbrapsht

për t'ju sjellur botës rrotull

me shikim andej kah u nisën

duke çarë hapsirën e vajtuar rrugën

e lënë pas syve të errtë

nga pluhuri i klisheve

u krijuan misionarët trima

plot guxim e të etur për avantura.

Kureshtja i krijoi e i mashtroi

e panjohura nuk i zbrapsi as nuk i frikësoi

hapën perde nga na treguan pamje

të reja plot dëshira plane e ëndrra

për brezat e ardhur më pas

rrugëve të trasuara nga legjendat.



Një fëmijë me kokën ngritur lart

shiqon reklamën vendosur në skaj të rrugës

nuk kupton se çka aty shkruan

ndërsa fotoja e mahnitë.

Qeshet plot djallëzi dhe ecën disa hapa

duke zgjatur kokën ta shohë

anën tjetër të reklamës!

18 qershor 2009