Skender Korça: Sa ëmbël...

Skender Korça: Sa ëmbël...

Është të mësosh lumturinë

Në zjarrin përbrenda teje

Në rrugën e shtegtimit ëndërr



Sa ëmbël është të shikosh nga lart

Për të mësuar grindjen tënde kur ishe fëmijë

Mos gjyko në kalendarin tënd kohën stop



Sa ëmbël është të ecësh reve të dendura

Kur takohesh me poetët dhe presidentët

Në koherencën e jetës në vazhdim



Sa ëmbël është të dëgjosh muzikën engjëllore

Kur njeriu komunikon me mikun nga poshtë e lartë

Kur nuk të sheh dhe beson se je me te



Sa ëmbël është të mësosh një lumturi të mos jetuar

Kur piqet njeriu dhe bien dashuritë

Në vaska me mjaltë dhe me qumshtin qe nuk e pi njeri



Sa ëmbël kur vetë njeriu nuk është i ëmbël

Nëse nuk e kupton se nuk ka të keqe

E keqja është krahasimi mes gjërash



Sa ëmbël është të mësosh misionin tënd

Për të dhënë vetën tënde fli atyre që ke

Për dashurinë e njeriut të gjallë në koherencë kohe



Është ëmbël jeta është ëmbël të jetosh

Deri kur mbetesh në udhëkryqe të kohës

Kur jeton në mes të jetës së jetuar