Përkujtohen heronjtë e kombit Zahir Pajaziti, Edmond Hoxha dhe Hakif Zejnullahu

Përkujtohen heronjtë e kombit Zahir Pajaziti, Edmond Hoxha dhe Hakif Zejnullahu

Akademi përkujtimore në Kriens të Lucernit

Me rastin e 13-vjetori të rënies heroike të tre nga pjesëtarët e parë të UÇK-së, komandantit Zahir Pajazitit, Edmond Hoxhës dhe Hakif Zejnullahut, në shenjë nderimi të këtyre heronjve të e kombit tonë Bashkësia e degëve të AAK në Diasporë mban akademi përkujtimore në Kriens të Lucernit. Janë ftuar Dr. Pal Lekaj, kryetar i komunës së Gjakovës, zonja Donika Kadaj-Bujupi, kryetare e Alenacës së Gruas të Kosovës dhe deputete në Kuvendin e Kosovës, Ismet Abdullahu, bashkëveprimtar i Komandant Zahirit , aktualisht kryetar i degës së AAK-së në Besianë dhe anëtarë i kryesisë së AAK-së, Agim Pajaziti, vëlla i Zahir Pajazitit dhe kryetari bashkësisë së degëve të AAK-së në Zvicër, Lan Avdiu, koordinator i degëve të AAKsë për Diasporë, si dhe shumë bashkëveprimtarë të heronjve nga Zvicra dhe Gjermania.
Në kuadër të kësaj akademie është përgatitur një program kulturor-artistik me artistë dhe këngëtarë të mirënjohur.
Pjesëmarrja juaj, të nderuar bashkatdhetarë, nderon Heronjtë e kombit tonë dhe madhëron këtë akademi përkujtimore.
Akademia mbahet më 31.01.2010 (të dielën) dhe fillon në ora 14.00 në adresën: Klubi Rinia, Horwerstrasse 79, 6010 Kriens / Lu.
Për informata tel: 076 473 21 09 dhe 076 277 23 72