Skender Korça: Në një natë

Skender Korça: Në një natë


Kur trazohem shtrëngojë buzët
Në natën pa dritë hëne pa vajgur
Sa bëhen jorganët të qulltë me djersën e ëndrrës
Në një mëngjes priten ëndërrat e ditës
Lindin parafytyrimet e imagjinatës ditore
Në fronin e mbretëreshes sime shqiptare nuk ka kurorë
As dita nuk është sjellë nga nata e brishtë
Në një natë tjetër flas me Ty
As kurrë nuk më kujtohet një ëndërr
Sepse ëndërra më është bërë seriali im
Shtrëngohem vetëm për të rikujtuar natën që ishte
Kur më flasin hijet e takimeve tona
Në natën e ardhjës sime nga dëbora e malit të trishtuar
Në dashurinë e nxjerrë pa hile
Ëndërrat më janë bërë romane të dashurisë
Lulet që doja e mësova vetëm emrin e një nate
Erë dhe lule mimozë në borën që do shumë ajo
Në këtë natë ka edhe një natë tjetër që po vje
Nata e radhës për të qenë kjo natë