Lediana Kapaj: Për ty POET....

nga **Agim Gashi** Sat Feb 06, 2010 2:51 am

Lediana Kapaj: Për ty POET....

Përse tek zoti kërkon shërim,

përse vetë forca në baltë ka rënë,

përse vetvetes si jep shërim?!

Një kokë me thinja përtokë ka rënë...

Poet i madh,i frymëzuar,

i pasionuar pas dashurisë,

me penën tënde ke pikturuar,

vargjet plot shpresë të lumturisë..

Kjo botë ka humbje por dhe fitore,

vetë ti këto fjalë seç mi ke thënë,

ndaj zhduk trishtimin,vrite vetminë,

se shume akoma ke për të dhënë....

Nuk dua vargu të të shterojë,

nuk dua poezine të thahet,

nga shpirti yt le të burojë,

vullkani shpresës dhe kurrë mos ndalet....
______________________________________________

Askush s'mundet që të marrë,

atë shpirt që ka poeti,

është njëlloj sikur të thuash,

që pa ujë është dhe vetë deti!!!!

Askush s'mundet të vjedhë vargjet,

që krijon penda e artë,

ndaj të lutem mos humb forcën,

kokën ngrije sa më lart...

Askush s'mund të marri shpresën,

as dhe Zoti s'ka te drejtë,

ftoji vargjet,të vallëzojnë,

dhe pse brenga s'kalon lehtë...

Kujto vitet që kaluan,

a tu dukte gjithçka "rreng"?

I pamposhtur dashurove,

ndaj kët' jetë mos e ki peng...

Merre penën poet zjarri,

prapë këndoji dashurisë,

"ti do ktheje Doruntinën,

pse sot bisht i bën stuhisë"?!

Shkurt 2010

( Kushtuar poetit që e adhuroj dhe mikut tim te shtrenjte Agim Doçi)

Lediana Kapaj

Lediana Kapaj: Për ty POET.... 18880_289782984599_744374599_3252602_7186790_n

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30