Nehat Jahiu: Tri poezi:

Nehat Jahiu: Tri poezi

… DHE ZGJOHEM NGA GJUMI

Endrroj nënë, nënën ëndrroj,
me portretin e dashur në zemër
ma mbysin lotët gëzimin
Dhe zgjohem nga gjumi
nënën kërkoj,
pështyj ëndrrën që më mashtroi…

Endrroj nënë,nenen ëndrroj,
zgjas krahët drejt saj
malli e dashuria më gëzojnë
Dhe zgjohem nga gjumi,
nënën thërras,
pështyj ëndrrën që më mashtron…

NENES SIME PRANE VARRIT…

Lulet që të pëlqenin ty
i mblodha me zemër të kallur e dashuri,
i pastrova me lotët e mi.

Tufën e luleve të dhembshme
e vura mbi varrin e nënës sime
aty lashë dhe zemrën dhe lotët e shpirtit…

JAM RRITUR…

Jam rritur me kryet në gji të nënës,
me kafshatën e bukës në fund të magjës.

Buzën ma lagu molla e ruajtur në gji,
në djep druri më përkundi ajo dorë me ëmbëlsi.

Në atë djep druri që më përkundi
me ninulla hyjnore më zuri gjumi…

NJE KUJTIM

Shumë opinga në ferra kam lënë
me vrap delet për ti zënë.

Një janxhik në shpinë kam mbajtur
tufën e deleve shumë e kam dashur.

Shpesh kam bredhur shpat më shpat
nën hije ahesh pushoja pak.

Kur shpesh në mal më zinte nata
ma shtrinte dorën nëna, e ngrata…