Xhemajl Rudi: tri poezi-Puthje mbi gurë-Udhëve të malit-Si dikur të shoh pranë-

Xhemajl Rudi: tri poezi-Puthje mbi gurë-Udhëve të malit-Si dikur të shoh pranë-


PUTHJE MBI GURË



(Simbolit të bukurisë në Butrint)



Ajo këndonte në dritare,

nën ballkonin me lule shikonte,

e kënga,

prej luleve petale këpuste,

dhe puhia e saj tek djali i vinte.

Ajo këndonte duke shikuar lulet,

dhe djalin në rrugë duke mbledhur petalet,

nën melodinë e përmallshme të këngës,

nëpër telat e lirës lotonte.

Si nuk e mposhtte bukuria!

Vajzen dashuria po e këpuste,

prej dritares e nxori vetë era,

në prehërin e djalit e vuri

të ledhatuar nën aromën e luleve;

në dritë të yjeve shkonin sokakut,

shkonin dhe puthje mbi gurët ndërronin.




UDHËVE TË MALIT



ç`na dole kështu,keqas në udhë,

moj harame!

S`dukesh as grua,as drenushë,

e të gjithë i trazove,

edhe të harbuarit i trembe,

dorinjtë të lidhur e kafshojnë drurin

në ahur,

dhe shkumë jargësh rrjedhin litarit,

terrin e trembin me hungërima,

dhe tokën e shqelmojnë

në qetësinë e hënës.

Ti,moj harame,

apo e bekuar,

ç`pate

para që na dole?!

Të kafshoi gjarpëri në vithe

apo bleta në gjoks?!

S`mundemi ta dimë!

Veçse disa të panë

si një grua perri

e të tjerët të nëmnin

për soj sojsëzësh kësaj nate

me pamje të zbehtë,

në çastin që u duke e befas prapë humbe

udhëve të malit me ethe.




SI DIKUR TË SHOH PRANË



Si dikur të dua dhe tani

edhe pse valët e vështira nga thellësit

të ashpra,

e unë këtu në lundër sipër tyre

në erën e pranverave udhëtoj

se si të ndjej në këtë errësirë nuk e di,

sikur më je kaq pranë.



Si delfin gjatë notit kur valë krijojë

dhe natën e zbrazët pa hënë e godas

drejt agut të ditës vrapoj.



Unë lundërtari përmes shtërngatash

më vjen ti befas si xixëllonjë këtë natë,

mes këtyre valëve të ftohta deti

e si mbeta n`agoni,kur prap të pash ty.

Po me atë pamje që e kishe prej nuri kur dritësoje,

ashtu e hareshme,e brishtë e qeshur dhe

e butë,

po ashtu e mire siç ishe.

ashtu si dikur tani për një çast të vetëm mu shfaqe

e ne të dy se përmendem

fjalën lamtumirë

kurrë

pse kaq shpejt përseri me humbe

e më le të vetëm

këtu në errësirën në udhë.





xhemajl rudi