Nehat Jahiu: ...DHE KATER MINUTA

Nehat Jahiu: ...DHE KATER MINUTA


…Dhe katër minuta vjen mesnatë
në sytë e mi gjumë nuk kam,
desha të shkruaj Guri, të shkruaj si ti
kam të fshehura në zemër shume energji.

Për ty shpirti im sonte po flet
zemra më shtrëngon- më djeg,
tretem e tretem, or mik diku larg
dua të të kem ty ,or mik pranë.

Derën, or mik ta kam lënë hapur
të lutem mos me lenë të përlotur,
të plotësoj shpirtin tim romantik
je i dashur, or mik, je shumë erotik…

Shikoj në dritare, jam në vetmi
pranë meje nuk të kam unë ty,
ti më don në çdo cep të qenies sime
mua më dridhet trupi, zemra ime.


…Dhe katër minuta vjen mesnatë
kokërr gjumi në sy unë nuk kam,
derën e dritaren do e lë hapur
mos me lenë, or mik të përlotur.


Minutat e fundit po prekin mëngjesin
endrrat tek dritarja po më mbesin,
në brendinë e labirintit të shpirtit tim
me aromën e drëndafilit në kopshtin tim.