Miradie Zymberi-Avdullahi:Cikël poetik

nga **Agim Gashi** Tue Mar 23, 2010 12:46 pm

Kosovë ! Gjak, mall e vaj...!

Deshën degët t ' mi këpusin,

por, i mbrojti trungu i fortë.

Deshën trupin t' ma presin,

po e mbrojtën rrënjët në tokë.

Deshën sytë t' mi verbojnë,

edhe pa ta unë do të shikoja.

Deshën veshët t'mi shurdhojnë,

këngën e rritës mos e dëgjoja.

Deshën duart t'mi shkurtonin,

pa to kurrë t'mos ledhatoja.

Deshën këmbët t ' mi thyenin,

Kosovë! Drejtë teje mos vrapoja.

Deshën zemrën të ma ndanin,

por, në mendje të mbaj.

Deshën mendjen të ma hutonin,

Kosovë ! Gjak, mall e vaj ...!

Miradie Zymberi-Avdullahi:Cikël poetik 24224_1303680725598_1637880294_698347_7730476_n

Kjo piktur eshte e punuar nga Shaban Osmani-skulptor dhe piktor, i cili punon dhe jeton ne Malo te Suedise.

Do të fundos

Vetmi, nëse me ty duhet të jetoj,
eja me mua deri në lartësi,
të lutem, mendimet mos m'i trazo,
mos vizito tjetër shtëpi.

Eja, bashkë të vizitojmë, natyrën e zgjuar,
drerin në kërcim, tek ik,
lumin nën rreze dielli të kristalizuar,
bletën në lule, nektarin tek thith.

Vetmi, e bekuar e lumtuar,
mos ia hap tjetërkujt portat e tua,
të përfundoj këngën, që s'ka të mbaruar,
më thuaj, kur do të lind dielli për mua?

Do të lëvizë, kur koha të jetë ndalur,
kur shiu nuk do të më lag,
në fund të detit, Vetmi e hidhur,
do të fundos, në një arkë.

Vetmia më shoqëron

Sytë që rodhen lotët, u thanë,

as kthjelltësinë e detit s'e kanë,

shpirti digjet si në flakë,

e vetëm zemra po qan.

Ulur në një qoshe, mendoj,

vetmia më bën shoqëri,

bashkë me të po kuvendoj,

-Sonte, sa larg je Ti!

Horizontin në largësi e shikoj,

atje ku qielli, tokën e takon,

ditët si do ti kaloj,

kur koha u ndal e nuk kalon.

Miradie Zymberi-Avdullahi:Cikël poetik 26189_1313264325182_1637880294_716814_488408_n

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30