Monda Korca: Cicërimë...-poezi-nga -Raimonda Moisiu

nga **Agim Gashi** Tue Mar 30, 2010 4:00 am

Monda Korca: Cicërimë...-poezi-nga -Raimonda Moisiu

1.

Në hapësirën e trishtë të virgjërisë së shtratit,

në bardhanën e çarçafëve të akullt,

Unë, ky zog i heshtur e i vetmuar,

herë strukur në anë, herë përfund

kam harruar cicërimën…

Dua,

të brof me forcën e gjakut,

Dua,

të fluturoj nga ky kafaz i ftohtë,

Dua,

të harroj se jam robinë e gardianit të verbër,

me emrin vetmi.

2.

Dua,

të thith ajër, puhizë,

të thith frymë,

Dua,

të nis cicërimën e lumtur

si një zogu I cmëndur nga dashuria,

të fluturoj përjashta!

Dua,

me muzikën e lumtur të zogjve,

t'I cicërij e shpenguar, të dashurit tim:

Të dashuroj!

Me cicërimën e dëshirave ,

si avujt e diellit të mëngjeseve pranverore,

të ngrejmë urën e të vërtetës,

të zgjojmë lulet e përgjumura dhe

murin e feminitetit të tropikut fërgëllonjës

ta zbukurojmë me petalet e mëndafshta dhe

parfumin e zambakëve.

3.

Dua,

buzëve të etura për një puthje, ledhatim,

të plasaritura si tokat në shkretëtirë,

t’u japim nëpër bardhanën e qumështit të freskët,

si fëmija kur merr gjirin e nënës,

ëmbëlsinë e mjaltit të sherbelës pranverore…

Dua,

Tik-taket e orës,

të numurojnë rrahjet e zemrave tona, dhe

cicërimat e cmendura fluturuar me carcafët.

Si në përrallat e lashta,

qielli hapet me tehun e kaltër të syve tanë….

Raimonda Moisiu

Hartford CT

Mars 2010

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30