Vullnet Mato: PËRPLASJA E BRIRËVE

nga **Agim Gashi** Sat Apr 10, 2010 7:54 pm

Vullnet Mato: PËRPLASJA E BRIRËVE 12441_1128505624011_1568334934_30278870_4797141_n

Vullnet Mato

PËRPLASJA E BRIRËVE

Kastriot si Skënderbeu
ishte dhe Hamzai
dhe kishte në gjak trimëri shqiptari.
Dorën dhe ai
te shpata e mbajti,
që nga djepi deri te varri.

Po për shpatën tradhtare
asnjë muze s’pyeti.
Kurrkush eshtrat s’ia deshi për hajmali.
Jetën s’ia këndoi rapsodi a poeti,
as ngritën monument,
as shkruan histori.

Emri i tij -
shqiptuar me neveri.
Tradhtia e tij -
paguar me urrejtje.
Shpata e tij -
ndryshkur në harrim.
Jeta e tij - tri pika heshtje.

Ndoshta Skënderbeu
në përkrenare
dy brirë cjapi mbante mbi krye,
për t’u treguar ambicieve lakmitare
simbolin e fitores
mbi brirët e pabesive.

Se tradhtia i ndiqte
si hije nga prapa,
të gjithë krerët e dëgjuar në kohëra.
Pushteti ka qenë
nëna e baba,
më i dashur
se vëllai dhe motra.

Por lakmia e tërbuar
për karrigen e lartësisë,
ku të duket
se mbi të tjerët të peshon koka,
u ka ngrënë kokën
palëve të pabesisë
e i ka çuar para kohe
për t’i tretur toka.

Dhe ambicia tinëzare
për karrigen e madhe,
të mbin mbi krye
si brirë të padukshëm.
Shpejt a vonë,
përplasja në finale
u ndodh dy kokave,
egërsisht dhe bujshëm.

Prandaj kur i sulesh
karriges kryesore,
me gëzim të madh
e ambicie të zjarrtë,
duhet menduar se lidhja fisnore,
ose brirët e shokëve
të fundosin në baltë...

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30