Agim Gashi: Kan marrë flakë kangët e mia

nga **Agim Gashi** Sat Feb 21, 2009 4:26 am

Agim Gashi

Agim Gashi

Kan marrë flakë kangët e mia

(Dëshmorëve, pavarsisë dhe unitetit shqiptar)

Kanë marrë flak këngët e mia
Qohu Adem Jashri se erdhi pavarësia!
Qohu Adem Jashari shetite Kosoven
Krah´ më krah´ me President Rugoven.

Ju dëshmorë jeni liria
Në arena e në kufi,
Për liri ju trupat shtritë
Për me ba Shqipninë-Shqipni!

Sot u ba nji vit
Do t´bahen tremi,
Kosova ime e dashur
Liri e pavarsi.

Dëshmorët e kombit
N´ valle të lirisë
E nderojnë Kosovën
Nderojnë pavarsinë.

Kosovës së pavarur
Liria i ndriti,
Terrin ia ban dritë
Zahir Pajaziti.

Atje në Koshare
Edhe rranzë Pashtriku
Gjithmonë ndër sy trimash
Ai Ahmet Krasniqi.

Nga tokë e Dukagjinit
Me shqiponjë në ball,
Valles mire i prinë
Salihu ushtar.

Fill pas tij në valle
Djali i Karadakut,
Agim Ramadani
Hero lule gjaku.

Gjaku Juaj i derdhur
Lule liri mbiu,
Këngës ja thonë n´varr
Xheva e Fehmiu.

Kullat e Junikut
Që su tundët kurrë,
O Bekim Berishes
Ia kan falë ni gur.

Ia kan fal gurin
Me ia ruajnë kujtimin
Si nderoj flamurin
Ato nderojnë trimin.

Fushat e Kosoves
I ka mveshë blerimi,
Për Adrian Krasniqin,
Luan Haradinin.

O të gjithë dëshmorët
Bukur hedhin vallen,
Nderojnë Kadri Zekën
Dhe Jusuf Gërvallen.

Qon fjalë Enver Hadri
Nga varri n´Bruksel,
Hej Kosova ime
Paq dritë e paq nder.

Fryma e Mic Sokolit
Zani i Smajl Hysenit,
Gzim uji Valbonës
Forcë gurt e Shkëlzenit.

Vjen Shote Galica
Ua përkdhel ballin,
N`qerdhe të amshimit
Me dritë ua mbusha varrin.

Parajsën e juej
Me nur ua ndrin,
Me rend ju përqafon
Uron Pavarsinë.

Urime, urime,
Dëshmorët e mi,
Së shpejti do ta bajmë
Shqipninë-Shqipni!!!

Mbi qiellin shqiptar
Nuri juej ndritë
Përkulemi me nder
Për të bardhën dritë.

17.02.2009
Düren

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31