Mentor Thaqi: Nderim, Heronjëve të Kombit: Jusuf e Bardhosh Gërvalla dhe Kadri Zeka!

nga **Agim Gashi** Mon Apr 19, 2010 1:01 am

Mentor Thaqi: Nderim, Heronjëve të Kombit: Jusuf e Bardhosh Gërvalla dhe Kadri Zeka!

Nënë Kosovë, qofsh fatbardhë,
lumja ti sot kush t´ka ardhë,
djemt e tu prej gyrbetit
që ja vunë themelet Shtetit.
Nënës Ajshe - sihariq,
na u ka mbushë oda me miq,
kësaj radhe për gëzim,
jo me lotë e me pikllim.
Hyn Jusufi n´tirqi t´bardhë
jungjatë jeta me na thanë,
vjen poeti e vjen këngëtari,
filozofi e atdhetari.
Tuj këndu vjen pas tijë Bardhi,
nga gëzimi qau Lumbardhi,
kanë me veti Kadri Zeken,
me Besa-Besë për jetë a vdekje.
O ju fusha me gurra t´bardha,
ju Mërgata, ju qon t´fala,
se pas dimrit vjen pranvera
kthehen prapë Kanjushat e verdha,
n´kto oxhaqe n´Dukagjin,
kanë foletë për verim.
Baca Jusë me gitare,
mirë ia thotë këngës shqiptare.
Që e shkrou heret n´ditar,
ka Kadriun - krah të parë,
e ka Bardhin - krah të dytë,
flakë të verdhë nxjerrin nga sytë,
porosi për Kombin tim,
n´dorë Platformen për bashkim.
Urdhër i lartë prej Presidentit
tre Heronjtë që iu kthyen vendit,
me nderime të dekorohen,
n´bazë të veprave, lartë të çmohen.
Nderim t´madh nga Gllogjani,
nga Shkelzeni e nga Luani,
nga Koshara e nga Belleja,
Salih Qeku si rrufeja,
dhe Agimi, vlla i Kadrisë,
me nderime të Ushtrisë,
tre Pishtarëve të Lirisë,
një Emblemë të Pavarësisë.
Festë të madhe ka Deçani,
ka Vitia, ka Gjilani,
ka Prishtina e Gjakova,
anë e mbanë e gjithë Kosova,
pas njëzet e tri Pranverash,
na vijnë t´gjallë prapë si ngaherash.

Mentor THaqi VS, 19.01.2005

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30