Skender Korça: Vallëzim me javën

nga **Agim Gashi** Tue Apr 20, 2010 12:43 am

Skender Korça: Vallëzim me javën

Dita e parë

Akordim,

Me një fuqi,

Në mendje stolisa javën

Imazhin e saj

Nga dita e nisur

Jetova vetëm një orë

Të tjerat ishin rrudha të mbetura

Mplakje jave që lash pas

Me dëshpërim të orëve që nuk bëra jetë

Dita e dytë

Në ditën tjetër

Po kërkoja një meteor

Të ngjitesha në bishtin e tij

Javën për ta bërë muaj

Orën e jetuar dje, legjendë

Ditën që po kaloja sot një numërim

Orët bëhen karvan i tundimit

Sikur për një ditë të re

Në aktin e perdes së lëshuar

Dita e tretë

Klithmë e rëndë

Java doli në mes të saj

Po harxhohet me mua

Vetëm një shpresë

Sot jam unë

Dita e java janë kalendar

Shtrydhur mendjesh pa pyetur

Lëng që të bëhet ortek

Për të vjedh jetën nga shpresa e saj

Dita e katërt

Sy të ngulur

Në murin e hijeve

Biseda me zëra jo artikuluar

Flas unë

I përgjigjem unë

Ai hesht

Nëse na bëhet vonë

Shpejt bie dita nesërme

Nata është ndarja e dhimbshme

Dita e pestë

Filluam aty ku e kishim lënë

Retorika fjalësh

Togfjalësha magjik

Duket se je në pavijon çmendurie

Ku sot prijnë njerëzit me dëshirë

Sikur me mëkat të fusin në parajsë

Për të mësuar dallimin me jetën

Bashkë me ditën që erdhi pa asnjë orë

Kur nuk e di kush lëshoi perden e aktit të kryer

Dita e gjashtë

Numërime,

Ditëve të pa jetë

Orëve të goditura në shpirt

Muzg që të kujton një gjelat

Tingull pianoje pa instrumentist

Nata ka filluar

Unë tash më nuk flas asgjë

Hëna sodit shikimin tim

Në pasionin e javës si çmenduri

Dita e shtatë

Rekapitullime të pazakonta

Premton për një javë tjetër

Orët dhe ditën që do të jetosh

Të tjerat janë luks e mos i kërko

Një orë jete në pasionin tënd

Bëhet një novelë

Braktisur nga tempulli i kalendarit javor

Mos ec më në ditën e tetë

Aty niset javë e re...

Skender Korça: Vallëzim me javën 24852_1302363756456_1151332627_30719728_6630651_n

Mon	Tue	Wed	Thu	Fri	Sat	Sun
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31