LDD Gjermani: "Analistë" dhe "Strategë" me bollëk, ndoshta me tepricë!

nga **Agim Gashi** Fri Apr 23, 2010 12:36 am

LDD Gjermani: "Analistë" dhe "Strategë" me bollëk, ndoshta me tepricë!

U ngopëm e stërngopëm me analistë!

Kohët e fundit po më rastisë si shpesh një fenomen jo i mirë me veten time! Dorën në zemër, ju kemi ngjitur si tepër Monitorit të Kompjuterit, e aty njeriu sheh ç´kamos.
E, pastaj ec e mos u qeshë vet me vete! Nuk është çudi që të shqetësohen edhe familjarët se helbete babi ka nisë me lujtë pak! Po si të mos qeshet njeriu?! Nganjëherë të vjen edhe për të qarë e vajtuar kur sheh se sa poshtë kemi rënë me vetveten. Sa për ilustrim po japë një shembull tipik që dje e pashë: - Filan Fisteku, analist i njohur për politikën ndërkombëtare dhe njohës i mirë i problemeve ballkanike dhe hulumtues i strategjive për dalje nga krizat! E kush se?! Një njeri që e njoh mirë, që kreu fakultetin pa shkuar as tri herë në të, bile as profesorët e vet nuk i njihte (pa i pa nuk njihen!).
Analist! Strateg!! Ah medet! As dy fjalë s´din me i lidhë si duhet! Aq analist i zoti, por për çudi jo i vetëm i këtij lloji. Dhe, habia më e madhe është se edhe me kaq shumë njohës dhe analistë, ne prapë jemi ku jemi (aty ku ishim e s´u nisëm kurrë), ku as dreqi nuk mund të na nxjerrë! Këta më së paku janë analistë. Mund të jenë pretendues, mëtues, dëshirues, kamuflues apo edhe pasanalistë dhe paskomentues ngjarjesh, se do duhej kështu e jo ashtu, se ishte gabim, etj., por, as edhe një fjalë për sot e nesër, përkundrazi!
Kuantitetivishtë (sasiorë) jemi në krye të listave për analistë dhe strategë, por kualitivishtë (cilësisht)
nuk figurojmë fare në listë! Kjo na bën të "luajmë" nga pak por, punë e madhe! Të çmendur e kemi edhe Politikën dhe shumë politikanë tonë skizofrenikë, e sa për qeveritarët nuk ja vlen as të flitet!
Kam frikë se mos na mundë sindromi i së keqes!

Mentor Thaqi - Gjermani

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30