LDD Gjermani: Kur evoluon revolucioni i vdekjes së polit-byrosë andej e këndej gardhit! (parodi)

nga **Agim Gashi** Sat Apr 24, 2010 1:25 am

LDD Gjermani: Kur evoluon revolucioni i vdekjes së polit-byrosë andej e këndej gardhit! (parodi)

Pardje, dje dhe sot! Po çfarë në mot?!!!

Pardje, gomarët, polit-komesarët,
dje ishin polit-parti-sekretarët,
e sot deridiku, polit-moral-këshilltarët,
çenje t´mjera, ndër më qyqarët!

Agjentë dhe spiuj,
n´Popull ishin t´huaj,
thonë, i mbolli Ranku,
Milladini, Shukriu e Branku!

Për rreth gjashtëdhjetë vjet,
në vend patëm mbetë,
s´guxonim me pa ëndërr,
se dënoheshim si për zhgëndërr!

Pushtet, karrigë e pozitë,
sa mund mbush, prit e qit,
Popullit tuj i ra n´ballë,
e "shoqeve" me kokallë!

Me (agjentë)agjitatura,
për t´na zënë n´flagrancë,
vepronte diktatura,
me shumë arrogancë!

- "Duart, ke përlyer"!
Të th´rrisnin në "rrëfim",
metodë e përkryer,
veç plumbi qe shpëtim!

T´ngarkonin në tendosje,
me dosje dhe akte,
kërkohej vendosje,
me apo pa fakte!

Vrisnin intelektin,
për t´tmerruar miletin.
- Është urdhër nga lartë!
Ishte shumë e qartë.

Puna më e lehtë,
kur pranoje vetë,
se ndjehesh fajtorë
dhe duhej bërë therror!

N´shërbim t´Diktaturës,
e pranoje hilen,
përballë katrahurës,
për t´shpëtuar Familjen!

Fajtori, je vetë,
se tepër ke ditur,
e paguan me jetë,
si të ishe i shitur!

Do, thonë, duhet falur,
në emër t´Humanizmit,
kriminelët e përdalur!
Dua t´pëlcas prej cinizmit!

Paj, jo mor zotni,
gjaku s´bëhet ujë,
u vranë në pabesi,
për qejf të dikuj!

Njerëzit sot hanë dhe!
Ju s´dhatë farë pendimi,
për ju dhe për ne,
duhet zbardhur krimi!

Pastaj, për pajtim,
kur shfaqni pendim,
për prind a për veti,
e vendosë Mileti!

Mentor Thaqi VS., 23.04.2010

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31