LSI dënon djegien e flamurit të NATO-s

LSI dënon djegien e flamurit të NATO-s



"Në emër të Lëvizjes Socialiste për Integrim(LSI), denoncoj dhe dënoj publikisht aktin e shëmtuar, të turpshëm dhe tejet provokativ të djegies së flamurit të NATO-s në mjediset e protestës së organizuar nga lidershipi josocialist i Partisë Socialiste. Unë nuk besoj se përmes këtij gjesti lidershipi josocialist i Partisë Socialiste dëshiron të shpreh mesazhe për organizatën më të madhe politiko-ushtarake, për partnerin më të madh të sigurisë sot në botë dhe për NATO-n, ku Shqipëria është anëtarja më e re e saj", ka thënë të dielën në reagimin e tij Sekretari i Përgjithshëm i LSI-së, Luan Rama.
"Për këtë arsye dëshirojë që të ftoj publikisht kryetarin josocialist të Partisë Socialiste që të distancohet dhe të dënojë prerë dhe qartazi, publikisht dhe politikisht, aktin e shëmtuar të djegies së flamurit të NATO-s në protestën e organizuar prej tij", tha më tej sekretari i LSI-së Luan Rama.