To: Partia Socialiste e Shqiperisë

To: Partia Socialiste e Shqiperisë
Drejtuar Partise Socialiste të Shqipërisë dhe kryetarit të saj, z. Edi
Rama.



Të nderuar deputetë të Partisë Socialiste të Shqipërisë,



I nderuar z. Edi Rama,



Ne mërgimtarët shqiptarë në mbarë botën po ndjekin me tepër shqetësim
situatën tejet kaotike në Shqipëri. Me anën e ktij peticioni, ne
shprehim shqetësimin tonë mbi qëndrimin që ju po mbani duke hyrë në
grevë urie, si dhe me bllokimin e rrugëve nëpër Shqipëri.


Pavarësisht bindjeve politike, te majtë, të qendrës apo te djathtë, ne,
mërgimtarët shqiptarë, ju bëjnë thirrje që ju të uleni në tryezën
politike dhe të ndaloni menjëherë grevën e urisë, akt i cili po cenon
rëndë imazhin e Shqipërisë dhe hapat e saj drejt integrimit në familjen
Evropiane.


Në mesin tonë ka mijëra mërgimtarë që prej shumë e shumë vitesh, (mbase
më shumë se 15 vjet) nuk kanë patur mundësinë të takohen me të afërmit e
tyre. Greva juaj reflekton tek ne, sikur Ju po na e përzgjatni të
drejtën tonë njerëzore për të takuar të afërmit tanë. Shpresa jonë e
madhe për të patur mundësi të takojmë të afërmit tanë, është që të
liberalizohen vizat me Shqipërinë.


Ne mërgimtarët shqiptarë, jemi ne dijeni të faktit se organizmat
ndërkombëtarë mbikëqyrës të zgjedhjeve OSBE, ODHIR, i klasifikuan
zgjedhjet e 28 Qershorit si zgjedhjet më të mira të zhvilluara
ndonjëherë në Shqipëri.


Ju bëjmë thirrje që menjëherë të ndërprisni greven e urisë dhe të
ktheheni në institucionet demokratike dhe të jepni kontributin tuaj në
këto momente tejet historike për Shqipërinë.


Mërgimtarët Shqiptarë