Vullnet Mato: NJË KAFE ME MIQTË E FB.

nga **Agim Gashi** Sun May 16, 2010 11:35 pm

TUNGJATJETANI MIQTË E MI TË DASHUR TË FB.!
ME MIRËNJOHJE PER JU, QË ME PJESËMARRJEN TUAJ NË KOMENTET E KRIJIMTARISË LETRARE MË KENI DHËNË MENDIME AQ TË VLEFSHME, SA MË KANË ENTUZIAZMUAR DHE NXITUR PËR KRIJIME TË REJA, KAM DËSHIRE T’U JAP TË GJITHËVE NGA NJË KAFE VIRTUALE, DUKE E SUGJESTIONUAR VETEN SIKUR E KAM SECILIN NGA JU PARA TRYEZËS SONË MIQËSORE. NDONJËRI QË KA MUNDËSI TA PIJË KAFEN REALE, JAM I GATSHËM TA PRES TE KAFJA E ANEKSIT TE HOTEL DAJTIT NË TIRANË NË ÇDO KOHË. MJAFTON TË MË LAJMEROJË me nr.tel: 069 22 75 145.

Vullnet Mato

MIQTË DHE ÇIFLIGU IM

Nuk kanë thënë kot të parët tanë,
se me një mik
ke pasuri të madhe,
zotëron vlera
në të gjithë dynjanë,
dhe krahun e shtrin përmbi male.

Unë me ju kam bërë
aq shumë pasuri,
sa nuk ka bërë
asnjë miliarder i botës,
se ma keni dërguar emrin me krijimtari
në të gjithë kontinentet
dhe skajet e botës.

Këtë nam që më keni dhënë
në fragmentet kohës,
Do më duheshin
në gjysmë shekullin e kaluar
një milionë tellallë
në gjithë udhëkryqet e botës,
dhe prapë plotësisht
nuk do të isha zbuluar...

Pra, secilin mik e kam çiflig,
jo më kot
dhe jam çifligar
nga ata lloj tipash,
që miliardat po t’i kem në dorë sot,
i kthej të gjitha
në miliona kopje librash...

Dua të them
se ne të gjithë së bashku
jemi derivati njerëzor aq trimosh,
sa ushqejmë trurin
duke lënë zbrazur stomakun,
dhe jemi të lumtur
që i kemi xhepat bosh...

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30