Avokat amerikan për Nazmi Bllacën

nga **Agim Gashi** Mon May 17, 2010 10:15 pm

Avokat amerikan për Nazmi Bllacën

Ish gjyqtari i dhomës së veçantë të Gjykatës Supreme, Linn Slattengren, i cili ka shërbyer për rreth 4-5 vjet në kuadër të misionit të UNMIK-ut, tani e tutje do të jetë avokat mbrojtës i shumë të përfolurit Nazim Bllaca, vetëakuzues dhe akuzues i të tjerëve. Angazhimi i avokatit amerikan Lin Slatengren është bërë në bazë të detyrës zyrtare apo EX-OFFICIO, pa kaluar një javë nga betimi që ka dhënë me rastin e licencimit për të shërbyer me të drejtat e njëjta të avokatëve kosovarë në vendin tonë. Avokati Slattengren e ka pranuar kërkesën nga ana e organeve të hetuesisë për ta mbrojtur Nazim Bllacën, por i njëjti njëherit ka kërkuar lehtësira në pagesat e taksave, pasi për avokatë të huaj në vendin tonë ato janë të larta. Ndryshe, i akuzuari Bllaca, i cili tani e ca muaj, pas daljes së papritur në opinionin publik, akuzoi veten dhe ish bashkëpunëtorët e tij për kryerje të një serie krimesh të natyrës së rëndë, po qëndron nën masë të arrestit shtëpiak nën mbikëqyrjen e policisë ndërkombëtare. Bllaca, që nga dita kur ka dalë në skenë, ka pasur mundësi të merret në pyetje vetëm në cilësi të dëshmitarit për të dhënat që i publikoi me anë të CD-së, ndërsa në cilësi të të akuzuarit ai nuk ka patur mundësi që të intervistohet pasi që nuk ka pasur avokatë mbrojtës që nga marrja e tij në pyetje nga ana e gjyqtarit të procedurës paraprake.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30