Gjakush Tana: BIBLIKA LIRIKE

nga **Agim Gashi** Sat May 22, 2010 9:25 pm

Gjakush Tana: BIBLIKA LIRIKE

Në përkujtim të Azem Shkrelit

Azem Shkrelí lindi më 1938 në Rugovë të Pejës. Shkollën fillore e kreu në vendlindje, ndërsa në Prishtinë ai vazhdoi shkollën e mesme për të vazhduar fakultetin Filozofik, degën e gjuhës dhe të letërsisë shqipe. Për shumë vjet ai ka qenë kryetar i shoqatës së Shkrimtarëve të Kosovës, drejtor i Teatrit Krahinor në Prishtinë dhe themelues e drejtor i Kosova Filmit. Vdiq në pranverën e vitit 1997.
Ka botuar këto vepra në poezi Bulzat (1960), Engjujt e rrugëve (1963), E di një fialë prej guri (1969), Nga bibla e heshtjes (1975), Pagëzimi i fjalës (1981), Nata e papagajve (1990), Lirikë me shi (1994), Zogj dhe gurë (1997). Në prozë: Karvani i bardhë (1961), Sytë e Evës (1975), Muri përfundi shqipes Shtatë nga at, si dhe dramat: Fosilet (1968), Varri i qyqes (1983) etj. Poezitë e tij janë përkthyer në shumë gjuhë të huaja.

Arrite të bëhesh jehonë lirike, dhe mbete -
biblika e peshës për të krijuar art !
Kosova rilind gjithmonë në gjymtyrë
ti feniks i dalur nga hiri , heshtjen - bart !

Mungon ? Apo u ktheve mugullimë ?
- Jo ! Bleron n' ugarin e shqiptarisë anëembanë!
N'ardhëmëri si lis shekullor - përballesh ,
diaspora nga tufani - të mban pranë e pranë !

Në grykë të Rrugoves doli fara e kësaj bime !
Ti Njeriu Shenjt - bibla lirike e urtisë !
Na ktheve drejt shtegut të mbyllim ligësitë e çdo vrime
T'i këndojmë me afsh Ilirisë...!

20.05.2010
Kërçovë

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30