Adem Berisha: BILBILI KËNDOI PËR NE, NE I KËNDOJMË BILBILIT

nga **Agim Gashi** Mon May 24, 2010 10:32 am

Adem Berisha: BILBILI KËNDOI PËR NE, NE I KËNDOJMË BILBILIT

Në shenjë respekti për perlen e artit dhe kulturës kombëtare shqiptare, me rastin e 77 vjetorit të lindjës dhe ndarjes së mirënjohjes nga presidenti i Republikës së Kosovës, zotëri Fatmir Sejdiu, ARTISTE E MERITUAR, yllit polar NEXHMIJE PAGARUSHA, po ju sjell këtu disa vargje modeste miq të mi të dashur kushtuar kësaj vlere kombëtare me të cilën përjetësisht do të mburremi.

I KËNDOJMË BILBILIT

Ty Kosovë të priftë e mbara
të ardhme të ndritur ke përpara,
ke lindë djem e vasha të reja
ndrijnë si rrezja vrasin si rrëfeja.

Me kënaqësinë tonë më të madhe
do të nderojmë sot një sorkadhe,
një artiste të rrallë shqiptare
yll Nexhmien shqiponjë mbi male.

Një yll drite të këtij nënqielli
që shkëlqen si rreze dielli,
si një gonxhe të trëndafilit
me atë zë si zë të bilbilit.

Në çdo spektakël kur debutoi
vlera të larta manifestoi,
këtij atdheu që i la i pari
i dha shkëlqim siç shkëlqen ari.

Ti Nexhmie sa herë që këndove
shpirt e zemra na i shërove,
artin tuaj për të na dhuruar
kurrë në jetë nuk ke ngurruar.

Sot për ty dhe ne do të këndojmë
veprën tënde lartë do të çojmë,
në çdo kremte të pavarësisë
ty do të mbajmë simbol të mirësisë.

Bashkë këndojmë për ditë të bardhë
për atë gjak të dëlirë shqiptar,
për atë gjak të kuq si flamuri
që ndër shekuj i ndrinte nuri.

Do të këndojmë siç do rinia
që i përket gjithë ardhmëria,
me Ty oj perlë e artit kombëtar
përgjithmonë do të jem’ krenarë.

Adem Berisha: BILBILI KËNDOI PËR NE, NE I KËNDOJMË BILBILIT 30730_128799627136791_100000202629693_327165_4458401_n

Perla e artit dhe kulturës kombëtare shqiptare, artistja e merituar, Bilbili i Kosovës, e Madhja NEXHMIJE PAGARUSHA

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30