Mentor Thaqi: Dashurohej, ala-shqiptarçe, por më fuçishëm se kudo! - Vargje -

nga **Agim Gashi** Wed Jun 02, 2010 12:12 am

Mentor Thaqi: Dashurohej,
ala-shqiptarçe, por më fuçishëm se kudo! - Vargje -

Dashuria vendore!

Herë me fenerë e herë pa të,

shkallën në cep të krahut,

rrezikut për pe, trup e tërthurë

katundit,

vdekja arshikishte,

më afër se këmisha në shtat!

Ditë më drekë, fjala - të dua,

nuk u tha,

me shenja dhe "isharete",

mjeshtër të metaforave,

si babë e babgjysh,

se marrëzitë e kohës,

rehat nuk linin,

e turpi i paturpësisë,

punë që s´bëhet!

Kur vileshin pemët,

e të korrat, brënda,

"ajom" i mirë për dashni,

"orokut" para o burrani!

Kapituj mbyllen, e kapituj të ri,

hapen,

punë shkuesish e punë pisllëku,

pak kush për veti, flet,

se veshi i kohës, i shurdhër,

të mëdhenjtë, njëherë flasin,

e, zbraz e mbush dyfeqe,

kohëve të beqarisë,

kënga arshikishte,

në bisht të lahutës,

netëve të gjata dimri!

Ah, më falë synin,

ja mollëzat e faqeve!,

ndryshe nuk dinin,

e më bukur nuk shprehej.

ishte e bukura e ndaluar,

me kodet e pathëna, se helbete,

u dashka të skuqemi,

para zjarrit të dëshirës,

apo, ... ndjenjës së heshtjes,

dhe, fshehtësia, si gjithmonë,

sa në Lamë, e sa te Kroni,

herë në Bjeshkë, e herë në Vrri,

herë me këngë, me dorë, jo "ashiqare",

Dashuri, e moqme Ala-Shqiptare!!!

Mentor Thaqi VS., 01.06.2010

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30