LDK: Mospagesa retroaktive e pagave, shkelje e ‘Qeverisë në largim’

nga **Agim Gashi** Tue Dec 27, 2011 7:24 pm

LDK: Mospagesa retroaktive e pagave, shkelje e ‘Qeverisë në largim’

Lidhja Demokratike e Kosovës, ka vlerësuar se mospagesa retroaktive e pagave me rritje për janar dhe shkurt të këtij viti për shërbyesit civilë, punëtorët e arsimit dhe të shëndetësisë dhe të tjerë, paraqet shkelje ligjore nga Qeveria, duke mos respektuar vendimin përkatës.
Nëpërmjet një deklarate Grupi i ekspertëve të ekonomisë së kësaj partie, ka thënë se kjo shkelje e radhës në fakt tregon edhe njëherë se Kryeministri i vendit vazhdon t''i shkelë premtimet elektorale të pamenduara mirë.

”Duke mos paguar pagat me rritje, kjo qeveri në largim po i mohon vendimet e veta dhe po tregohet e pa denjë duke i gënjyer shërbyesit civilë nga fillimi i këtij viti. LDK ja e konsideron këtë qeveri si ''qeveri në largim'' pasi mandati i saj është shkurtuar nga LDK-ja përmes marrëveshjes për ndryshimet në ligjin zgjedhor dhe në kushtetutë”, theksohet në këtë deklaratë.

LDK-ja e ka ngritur çështjen e zbatimit të këtij vendimi dhe ka theksuar se edhe pse shërbyesit civilë i kanë nënshkruar listat e pagave me rritje për janar dhe shkurt, atë rritje nuk do ta marrin asnjëherë. Ato mjete të kursyera nga qeveria po përdoren për të mbuluar deficitin në të hyra për këtë vit.

LDK-ja vlerëson se të gjithë shërbyesit civilë duhet ta dinë se pagat e tyre, sipas buxhetit për vitin 2012, do të mbesin të pandryshuara për tri vitet e ardhshme. Për vitin 2012, tanimë kjo është vendosur.

”Vlerësimet tona tregojnë se për të mbajtur fuqinë blerëse të pagave të pandryshueshme për vitin e ardhshëm, pagat do të duhej të rriteshin për 10.2%, gjë që nuk është paraparë nga kjo qeveri”, theksohet në deklaratë.

Fuqia blerëse e pagave gjatë këtij vitit ka rënë dukshëm për shkak të inflacionit të lartë, i cili për produkte ushqimore ka arritur 30 deri në 40 për qind.

Si rrjedhim, inflacioni i këtij viti dhe i vitit të ardhshëm do ta absorbojnë pothuajse plotësisht rritjen elektorale të pagave që ndodhi nga marsi i këtij viti.

LDK-ja fton sindikatat e punëtorëve që të jenë të zëshme në këtë drejtim për të mbrojtur të drejtat ligjore të punëtorëve.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31