Idriz Morina:Ja skenari SHIK-PDK për ta rrëzuar Isa Mustafën

nga **Agim Gashi** Tue Dec 15, 2015 10:16 pm

Idriz Morina:Ja skenari SHIK-PDK për ta rrëzuar Isa Mustafën

Dështimi për liberalizimin e vizave

Fillojnë taktikat e reja për koalicione. Hashim Thaçi do të mundohet që në situatën e krijuar pas heqjes së vizave ta luajë ‘lojën’ e bashkimit me opozitën. Kinse po sillet si i zemëruar, Thaçi do të mundohet ta çojë vendin drejt zgjedhjeve, me kusht që të hyjë në koalicion me AAK-në dhe NISMA-n ose me Vetëvendosjen, por duke e rimarrë postin e kryeministrit.
Por, në këtë situatë momentale, sipas zhvillimeve politike gjasat janë që vendi të shkojë drejt zhvillimeve më pak dramatike, se sa që pritej në rast se hiqeshin vizat. Hashim Thaçi, në nëntekstin e tij të reagimit kundër Brukselit e shpalli aleancën me opozitën, duke mbetur kështu e vetme dhe e braktisur LDK-ja.
Në këtë situatë kryeministri Isa Mustafa do të duhej të reagonte urgjentisht, sikurse edhe vetë LDK-ja, që të shtonte presionin ndaj krerëve të saj, në mënyrë që ta shpëtojnë partinë si thuhet me faqe të bardhë.
Më vështirë e ka pasur ndoshta të hyjë në koalicion me PDK-në, por nuk pritet ta ketë aspak më lehtë për dalje nga ky koalicion. Fakti se ajo mori maksimumin e pushtetit nga një palë zgjedhje të humbura, dhe pasi mbet vendi 6 muaj pa qeveri, është një situatë thuaja terrorizuese për LDK-në dhe kreun e saj.
Situata duket se pashmangshmërisht po shkon në disfavor të LDK-së, por ajo duhet të luajë me kartën e shtetit ligjor, nëse dëshiron ti sigurojë vetes monumentin për qeverisjen në këtë kohë të pakohë!
LDK-ja, të vetmen shans e ka që para përfaqësuesve ndërkombëtar, veçanërisht amerikan, gjerman e britanik, të garantojë se do të burgos figura të larta shtetërore dhe partiake për shkak të korrupsionit, dhe se do të jetë bashkëpunuese për gjykatën speciale, për të cilën madje ka alibi, pasi bashkëpunimin për arrestimin e të kërkuarve nga kjo gjykatë mund ta bëjë në emër të atyre dhjetëra apo qindra të ekzekutuarve vetëm pse ishin mbështetës të Rugovës dhe LDK-së! I. M.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31