Greqi, nuk i ofrohet ndihma e duhur mjekesore, vdes shqiptari ne burg

nga **Agim Gashi** Sun Jun 06, 2010 10:07 am

Greqi, nuk i ofrohet ndihma e duhur mjekesore, vdes shqiptari ne burg

05.06.2010
Një ngjarje e rëndë ka ndodhur paraditen e sotme në burgun Malandrinos të sigurisë së Lartë në Greqi, ku një i burgosur shqiptar nga Vlora nuk ka marrë ndihmën e duhur mjekësore, duke shkatuar vdekjen e menjëhershme.

Viktima Dashamir Doku i cili vuante prej pesë vitesh dënimin, kishte shfaqur shqetësime prej një muaji. Doku vuante nga zemra, dhe mjekimet e duhura nuk i merrte, pasi në farmacinë e burgut nuk posedonin ilaçe. Të burgosurit janë hedhur në grevë urie, duke kërkuar të drejtat e tyre, pasi nuk është rasti i parë. Para një viti një person tjetër i ka dhënë fund jetës për shkak të gjëndjes së rëndë shëndetësore. Të burgosurit kërkojnë ndihmë nga Ministria e Drejtësisë.

Të burgosurit denoncuan në Radiotelevizionin "Ora News" duke informuar se katër të burgosur të tjerë i kanë dhënë fund jetës, ndërsa nga autoritetet greke nuk ka reagime. Të burgosurit kërkojnë plotësimin e kushteve më minimale të jetesës.

Ambasadori shqiptar në Greqi Vili Minarolli deklaroi se ka komunikuar me drejtorinë e burgut. Sipas tij, i burgosuri punonte në kuzhinë, dhe kohë më parë kishte treguar shenja sëmundje. Sipas ambasadorit Minarroli në orën 10.30 Dashamir Doku kishte shfaqur shqetësime në kraharor. E ndërsa ambulanca ka ardhur në orën 12.00, ku Doku mund të ketë vdekur gjatë rrugës ose në spital për shkak të ndonjë infarkti. Ambasadori shtoi se është rasti i parë që të burgosurit ankohen për kushtet më minimale, e ndërsa ka patur raste dhe ankesa për gjykim të shkurtuar ose dënim maksimal.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30