Mentor Thaqi: Nderim dhe përkujtim Mjeshtrit të Metaforës së Metaforave, Bekim Fehmiut - Kolos!

nga **Agim Gashi** Sun Jun 20, 2010 6:04 pm

Mentor Thaqi: Nderim dhe përkujtim Mjeshtrit të Metaforës së Metaforave, Bekim Fehmiut - Kolos!

Mjeshtri i Metaforës!

(Bekimit të bekuar!)

Për së gjalli, Odhise,
mbledhë e shpërndajë pupla!
Me barkë, në Maje Olimpi,
kur detet shterruan,
e kah dhe si,
Metaforë në vete!
Ku a´ Troja, e ku Lisi?!
Askush u kujtua, të ia tërheqë vërejtjen,
se po humbej në Famën Botërore!
Vallë, e shihnim dhe s´e kuptonim!
Fliste çuditshëm,
një gjuhë Metaforike!

Si fëmi, u rrita me Emrin e tij,
mirë pa e ditur,
se kush jam e kush ishte!
Si kalama, thoja broçkulla e droçkulla,
se Televizori i Televizionit tonë
nuk ia zinte të bëmen!
Ai, luante dhe fliste
në një gjuhë të dytë,
rrallë në gjuhën time i dhamë rastin,
ndonjë fjalë aty këtu,
se ne, "shumë të zënë" me vetveten,
idhnak nga lindja,
të parën gjuhë as ia mundësuam,
e as na e përkrahën,
në kooperativën e vlerave të mish-mashuara!
Por, jeta ikë një ditë,
e më i mirë përkthimi sado i zbehtë,
se heshtja e të diturit!

Kumbimi i zërit, flet vetë,
fundja, çdo gjuhë ka mimikën!
Kush hyn në Metaforë,
labirinthet i njeh
dhe daljen, vetë gjenë.
Të tjerët, komentet majegjuhe!
Tradita, parazite rron,
në mendjet e Kotësisë së pariparueshme!
Bukur luajti me rolin e jetës,
tipik Shqiptar në dhe me fatin ballkanas!
Ali Pashë-Tepelenë:
"Koka në Stamboll, trupi në Janinë, ...",
Nami në Beligrad,
Fama në Artin e shtatë,
e Krenaria në Arbëri!

Prishtinë, lëkundu pak,
nga gjumi letargjik!
Tiranë e Shkup, shfletoni pakë ëndërrat,
e Pjellës suaj!
...
U dogj trupi, hiri botën mori,
nga Lumi i Shenjtë - Lumbardhi,
Detrave dhe Oqeaneve.
Po kush mund ta ndalë Bekimin?!!!
Në miliarda Qeliza-Hiri të bekuar,
ka kohë që s´ishte vetëm Yni,
na e mori Pavdeksia!
Na e la Metaforën!
Mirë është të kthjellemi,
nga utopia!
Në gjëmë të vetes,
nuk bën të hyhet,
se nuk dilet,
e tevona, vajetoret,
nuk e di si do na i thurin
të bëmat dhe të pabëmat!

Tragjikomedia jonë,
rron për hatër inatesh,
e jo pse (s´)na duhet,
të tjerët as na presin e as na pritën!
Bekimi, derën hapur na e la.
Le të hyjmë fitimtarë,
me mësimin nga AI!
Metafora e tij,
zbërthim don, nga kush din, don e mundet.
Aty jemi!
Punë Sizifi!!!

Mentor Thaqi VS-Villingen - Gjermani
20.06.2010

PS: Shkrimet e bukura të Sabitit Rrustemit, Vullnet Mato-s, Agim Gashit,Mustafë Shabanit, Fahri Musliut, Bardhyl Metaj, Leonora Buqincës, Fadil Demakut, Faruk Tashollit, Bardh Frangut, Haqif Mulliqit dhe shumë miqve-artistë tjerë, ishin dhe një inspirim më shumë për mua. Është kjo Dhimbja jonë Krenare
për Njeriun-Artist të pashoq! Bekimin moti e ka bekuar Zoti, Arti dhe Historia!

Mentor Thaqi: Nderim dhe përkujtim Mjeshtrit të Metaforës së Metaforave, Bekim Fehmiut - Kolos! 37289_130983620264385_100000582437455_226607_2338852_n

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30