Vullnet Mato-O, SA GJATË KAM JETUAR, SA GJATË !

nga **Agim Gashi** Wed Aug 11, 2010 1:36 pm

VullnetMato

O, SAGJATË KAM JETUAR, SA GJATË !

O, sa gjatë kam jetuar, sa gjatë !
Edhe po të isha i krijuar nga hekur,
ndryshku do më kishte mbuluar në shtat,
do isha shkërmoqur si hekurishte e tretur.

Por punoj me ritmin e pandalur vraparak,
harbuar në trokun e fushave të mendimit.
Vitet ikin e s'kam kohë të bëhem plak,
se më presin letrat e palosura të printimit.

Teksa humbas netëve në gjumë prej ariu,
rrëshqas befas në gjendje të palogjikshme.
Hyj te kafsha duke dalë tërësisht nga njeriu,
dhe më zgjohen ca instikte tëhabitshme.

Ndjej se jam me oreks dhe fuqi rinimi,
si hamshor i kullotur nëpër hamullore.
Me rreh zemra e më shkon përfytyrimi,
tek u tunden sorkadheve butësirat trupore.

Dhe më duket sikur marr energji të çuditshme,
sikur gjymtyrët i kam nga çelik më i miri.
Shkrihem në qejfe me femra të panginjshme,
më thërresin shkurreve kurvickat e Kullairit.

Më mblidhen aq shumë, sa më mbulojnë,
sikur gjakun e trupit të tërë ma thithin.
Kur shoh, se i vetëm nuk po i përballoj,
thërras nëpër gjumë për ndihmë dhe nipin...

Nuk di edhe sa kohë do ta shty kësisoj ,
me dëshirat ngritur në vitet e së përpjetës.
Por e di se dikur me siguri do mbaroj,
marrëzisht i dashuruar me thelbin e jetës...

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30