Urimet e Myftiut Tërnava për Bajramin e Madh (Video)

nga **Agim Gashi** Wed Sep 08, 2010 7:59 pm

Urimet e Myftiut Tërnava për Bajramin e Madh

Në mesazhin e Myftiut Naim Tërnava me rastin e Bajramit të Madh, ndër të tjera, thuhet:
“Festa e Fitër - Bajramit ngërthen në vete rikujtimin dhe përkushtimin ndaj Krijuesit të gjithësisë, të cilin besimtarët me të madhe e shprehën edhe gjatë muajit të madhëruar të Ramazanit. Na bashkoi adhurimi ndaj Zotit, bamirësia, mirëkuptimi, zeqati e sadakaja, si dhe solidariteti dhe përkujdesja ndaj të varfërve, ndaj nesër krenarë e ballëhapur e festojmë Fitër- Bajramin. Le të frymëzohemi edhe me këtë rast, nga këto momente më të bukura për besimtarin ngase ai sot përfundon agjërimin e muajit të Ramazanit me se kryen një obligim që i ka caktuar Zoti, dhe me të drejtë pret të shijoj begatitë që ka dhuruar i Madhi Zot për njeriun, ndaj duhet vazhduar me vepra të mira, në mënyrë që Zoti të jetë i kënaqur me veprat tona, ngase të gjithë bashkë jemi përgjegjës para Zotit për veprat tona. Jemi gjeneratë me fat që Zoti na zgjodhi të jemi dëshmitar të ngjarjeve të rëndësishme për popullin tonë, si rënia e komunizmit,luftën për çlirimin e Kosovës, pavarësinë e saj, hyrjen e Shqipërisë në NATO, fitoren tonë në GJND, dhe tani bashkërisht po ndërtojmë procesin për integrimin e vendeve tona në Bashkimin Evropian. Presim që edhe nesër në Asamblenë e OKB-së të dalim fitimtarë e Kosova përfundimisht të zërë vendin e saj në OKB. Për këto rezultate duhet që t’u jemi mirënjohës, të gjithë atyre që në një mënyrë a në një tjetër kanë dhënë kontributin e tyre, përfshirë këtu edhe kontributin që miqtë tanë ndërkombëtar po japin në realizimin e shtetësisë së Kosovës. Ashtu si ishim të bashkuar, human e të dinjitetshëm, tolerant e të disiplinuar gjatë muajit të agjërimit, ashtu duhet të jemi bashkë e unik gjithherë për të çuar përpara vendin tonë atje ku synojmë të gjithë”, thuhet, ndër të tjera, në mesazhin e urimit të Myftiut Naim Tërnava drejtuar besimtarëve të fesë islame me rastin e Bajramit të Madh.

https://www.youtube.com/watch?v=WOMLvZcD7gw&feature=player_embedded

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30