Thaçi u rizgjodh kryetar i PDK-së

nga **Agim Gashi** Sun Oct 24, 2010 8:52 pm

Thaçi u rizgjodh kryetar i PDK-së

(E plotësuar) Në kongresin e 5-të zgjedhor të Partisë Demokratike të Kosovës (PDK), i cili zhvilloi të dielën punimet, pa asnjë kundërkandidatë, Hashim Thaçi është rizgjedhur kryetar i PDK-së.
Pas marrjes së besimit për të parin e partisë, Thaçi ka akuzuar LDK-në për krizën institucionale, duke thënë se me rastin e marrjes së vendimit nga ana e Gjykatës Kushtetuese, se Fatmir Sejdiu ka shkel Kushtetutën, ish-presidenti i vendit i kishte kërkuar Thaçit ta refuzojë vendimin e Gjykatës Kushtetuese.
Thaçi ka theksuar ky ka qenë momenti që ka ardhur deri te prishja e koalicionit, ndërsa momenti tjetër ka qenë dalja e LDK-së nga institucionet në mënyrë siç tha ai tinëzare, duke lënë bosh ministritë.
Po sot, është zgjedhur edhe Këshilli Drejtues i PDK-së, nga i cili pritet të zgjidhet dhe kryesia e re e saj.
Duke pretenduar se PDK-ja do të jetë fituese e zgjedhjeve të ardhshme, lideri i saj dhe kryeministri aktual i Kosovës, Hashim Thaçi, tha se “gjatë mandatit të parë shpallëm Kosovën shtet të pavarur e sovran, kurse në mandatin e dytë do të anëtarësojmë Kosovën në Bashkimin Evropian dhe në NATO”.
I ballafaquar me një qeveri që tashmë ka humbur mbështetjen e shumicës në Kuvendin e Kosovës, me daljen e LDK-së nga koalicioni, Thaçi tha se vendi do të shkojë shumë shpejt në zgjedhje të lira për t’i rikonsoliduar institucionet, të cilat, siç tha ai, janë futur në një krizë të thellë.
* * * * * * *

Thaçi u rizgjodh kryetar i PDK-së 1PDK_Kongresi-i-V-te-Zgjedh

Thaçi u rizgjodh kryetar i PDK-së 1PDK_Kongresi-i-V-te-Zgjedh

Thaçi u rizgjodh kryetar i PDK-së 2PDK_Kongresi-i-V-te-Zgjedh

“Kuvendi i 5-të zgjedhor paraqet kapitull të ri për partinë tonë, për qytetarët dhe shtetin e Kosovës, për partnerët tanë ndërkombëtarë. Ky kuvend paraqet shpresën, besimin dhe vizionin tonë për të ardhmen, paraqet vullnetin e qytetarëve të Kosovës. Ky kuvend është besimi, vullneti dhe vullneti qytetar dhe i PDK-së për fitore të sigurt në zgjedhjet e ardhshme”, ka thënë kryeministri i Kosovës, njëherësh kryetar i PDK-së, Hashim Thaçi në fjalën e tij në Kuvendin e 5-të zgjedhor të PDK-së, që po zhvillon sot punimet në Sallën e Kuqe në Pallatin e Rinisë në Prishtinë.
* * * * * * *
Thaçi u rizgjodh kryetar i PDK-së 3PDK_Kongresi-i-V-te-Zgjedh

Thaçi u rizgjodh kryetar i PDK-së 3PDK_Kongresi-i-V-te-Zgjedh

Partia Demokratike e Kosovës (PDK) po mban sot kongresin e pestë zgjedhor, në të cilin do zgjidhet kryetari i ri i partisë, këshilli drejtues dhe do të miratohet statuti dhe një deklaratë politike.
Deri më tani nuk dihet nëse Hashim Thaçi do të ketë kundërkandidat për kryetar të partisë.
“I takon Kongresit dhe delegatëve që nëse ka kandidatë të tjerë të kandidohen dhe propozohen në përputhje me statutin e PDK-së, i cili parasheh që duhet të ketë 30 nënshkrime për ndonjë kandidat të ri”, tha sekretari për marrëdhënie me publikun i PDK-së, Enver Hoxhaj, njëherësh ministër i arsimit.
Në konferencën e djeshme për gazetarë, Hoxhaj i hodhi poshtë kritikat se Kongresi i partisë është një farsë, duke thënë se PDK para pesë muajve ka marrë vendim që të mbahet ky kongres i rregullt.
Drejtuesit e PDK-së, kanë thënë se kryetari aktual Hashim Thaçi deri më tash nuk ka ndonjë kundër kandidat për postin e të parit të partisë, ndërsa burimet e medieve bëjnë të ditur se kundër kandidat do të jetë Jakup Krasniqi, sekretar i përgjithshëm i PDK-së, i cili ushtron detyrën e presidentit të vendit dhe kryeparlamentarit.
Subjektet politike në bazë të legjislacionit janë të obliguara t’i mbajnë kuvendet e tyre zgjedhore, nëse duan të çertifkohen për të marrë pjesë në zgjedhje.

Thaçi u rizgjodh kryetar i PDK-së 5PDK_Kongresi-i-V-te-Zgjedh

Thaçi u rizgjodh kryetar i PDK-së 5PDK_Kongresi-i-V-te-Zgjedh

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30