Daci u rizgjodh kryetar i LDD-së

Daci u rizgjodh kryetar i LDD-së

Daci: Kosova ende nuk është pavarësuar




Nexhat Daci, pa asnjë kundërkandidat, është rizgjedhur në postin e kryetarit të Lidhjes Demokratike të Dardanisë (LDD), në Konventën e Dytë të kësaj partie, e cila të shtunën mbajti punimet në Prishtinë.
Në punimet e Konventës së dytë, kanë marrë pjesë 501 delegatë të LDD-së, të cilët kanë rizgjedhur liderin e deritanishëm të LDD-së, Nexhat Daci. Pas rizgjedhjes edhe për një mandat në postin e të parit të LDD-së, Nexhat Daci është zotuar se do të angazhohet më shumë se asnjëherë tjetër në përmirësimin e jetës në vend.
Kreu i LDD-së ka thënë se Kosova nuk është pavarësuar as në vitin 1999, as me Deklaratën e Pavarësisë, dhe as me aprovimin e Kushtetutës, pasi që në një të katërtën e territorit të saj institucionet e Kosovës nuk e kanë shtrirë legjitimitetin.
Daci ka shtuar se të gjitha analizat ndërkombëtare dhe vendore tregojnë se ka përkeqësim të vazhdueshëm në Republikën e Kosovës, ndërkohë që ka kritikuar koalicionin qeverisës dhe presidentin e vendit për mos përmbushje të obligimeve ndaj vendit.
Për t’u rizgjedhur në këtë post Daci është dashur të fitojë votat e më shumë se gjysmës nga 501 delegatët e pranishëm.
Në Konventën e LDD-së është bërë edhe zgjedhja e Këshillit Kombëtar prej 101 anëtarësh, miratimi i orientimeve programore të LDD-së.

Daci forcon 'pushtetin' Adem Salihaj 'përjashtohet'

''Nxehtë'' edhe në LDD

I vetmuar si kandidat, me një pjesëmarrje relativisht të mirë të anëtarëve të Këshillit kombëtar, në prani të disa përfaqësuesve ndërkombëtar dhe me pjesëmarrje të vetëm një lideri partiak, Behgjet Pacollit të AKR-së, Nexhat Daci e ka siguruar pushtetin e tij edhe për katër vjet në krye të Lidhjes Demokratike të Dardanisë. Pas rizgjedhjes edhe për një mandat në postin e të parit të LDD-së, Nexhat Daci i përcjellë nga duartrokitjet e delegatëve të pranishëm është zotuar se do të angazhohet më shumë se asnjëherë tjetër në përmirësimin e jetës në vend.
“Mund të ju premtoj një gjë dhe të gjithë e dinë se atë që e them e realizoj, se do të punoj bashkë me kryesinë e re me Këshillin Kombëtar, por në veçanti me Konventën, me kapacitet shumë më të shtuar sepse kam përshtypje që kurrë më i shëndoshë dhe më i fuqishëm nuk kam qenë se me ju sot. Kjo i duhet Kosovës më shumë se kurrë, kjo iu duhet fëmijëve tanë, rinisë sonë e cila prapë në shtetin e Kosovës po ia mësyn rrugëve që nuk i ka ëndërruar më sepse ka menduar që do të shkollohet, të punësohet, të krijoj familje në shtetin e vet, në shtëpi të vet dhe LDD e ka borxh ta sakrifikoj karrierën e vet që me ngulm të punoj për këtë dhe jemi të gatshëm t’i kryej obligimet tona e jo të marrim benificione për vet vetën”, thotë Daci .
(Tekstin e plotë mund ta lexoni në numrin e nesërm të gazetës, “Bota sot”)