Planifikohet djegia e flamurit serb e rus

nga **Agim Gashi** Fri Oct 29, 2010 1:38 am

Ndeshja miqësore me Maqedoninë, që do të luhet më 17 nëntor në stadiumin e Korçës, po afron, sikurse ka nisur të mendohet edhe për përgatitjet e drejtuesve të FSHF-së, të kombëtares dhe të klubit të Skënderbeut, si mikpritës i kësaj sfide fqinjësh.

Por, nga sa merret vesh, kanë filluar të përgatiten edhe tifozët kuqezinj, që duket se do ta shfrytëzojnë këtë ndeshje si momentin e duhur për t’iu kundërpërgjigjur kolegëve serbë dhe atyre rusë për djegien e flamurit kombëtar shqiptar (në ndeshjen Itali-Serbi dhe në sfidën Zenit Petersburg-Hajduk i Splitit).

Një sinjal të tillë e ka edhe vetë Federata Shqiptare e Futbollit, e cila është shprehur e shqetësuar për sa i përket mbarëvajtjes së ndeshjes miqësore mes Shqipërisë dhe Maqedonisë, që do të luhet më 17 nëntor në Korçë.

Drejtuesit e FSHF-së janë informuar se disa grupe “ultras” të tifozëve kuqezinj po programojnë që të djegin një flamur serb dhe një flamur rus në këtë ndeshje, si përgjigje ndaj djegies së flamurit shqiptar nga tifozët serbë në Genoa dhe nga tifozët rus në Shën Peterburg.

Skretari i përgjithshëm i FSHF-së, Eduard Prodani i ka thënë “Sportit Shqiptar” se nuk ka një njoftim zyrtar të tifozëve kuqezinj për një plan të tillë, as informacione nga policia, megjithatë ai u ka bërë një apel tifozëve kuqezinj për të hequr dorë nga të tilla iniciativa. “Ashtu si në takimet e tjera të kombëtares, bashkëpunimi me policinë do të jetë maksimal, por këtë herë do t’i kërkoj zyrtarisht Policisë së Shtetit që të marrë masa drastike dhe të shtojë vigjilencën gjatë takimit. Nuk jemi njoftuar zyrtarisht për një plan të tillë të tifozëve, por personalisht e shoh si një veprim të gabuar të fansave, nëse ata vërtet kanë ndërmend të djegin flamuj të cilitdo shtet në stadium gjatë ndeshjes. Kjo vetëm sa do të nxinte imazhin e Shqipërisë dhe do t’i hapte akoma më shumë probleme FSHF-së”, ka thënë Prodan

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30