Muharrem Sfarqa:Dega e LDK-së në Gjermani mbajti Kuvendin e rregullt zgjedhorë

nga **Agim Gashi** Wed Nov 03, 2010 10:30 pm

Dega e LDK-së në Gjermani mbajti Kuvendin e rregullt zgjedhorë

LDK-ja mbetet e hapur ndaj trungut të mirëfilltë Rugovjan

Muharrem Sfarqa:Dega e LDK-së në Gjermani mbajti Kuvendin e rregullt zgjedhorë U2_MuharremSfarqa

Muharrem Sfarqa:Dega e LDK-së në Gjermani mbajti Kuvendin e rregullt zgjedhorë U2_MuharremSfarqa

Shkruan:Muharrem Sfarqa

Në qytetin e Frankfurtit,dega e LDK-së në Gjermani mbajti Kuvendin e rregullt zgjedhor,te shtatin me radhë,duke rrumbullaksuar keshtu një proces te mirëfilltë të zhvilluar në aktivet dhe nëndegët e organizimit të saj,si një strumbullar gjigantë që per njëzet vite ishte zëri më i artikuluar dhe më i fuçishëm i Kosovës në luftën e saj të shenjtë per liri, pavarësi dhe demokraci.

Kuvendin e hapi Miftar Dragidella,nënkryetari i Degës për Gjermani,i cili pas intonimit të himneve kombëtare,te Kosovës dhe atij partiak,ftoi të pranishmit që me një minut heshtje të nderojnë Presidentin e parë të Kosovës,dhe të gjithë ata që në mënyra të ndryshme luftuan për atëdhe dhe sot nuk gjenden në mesin e të gjallëve.

Qazim Bajgoraliu, Kryetar i sapozgjedhur i Degës së LDK-së në Gjermani

Pas aprovimit të rregullores së punës dhe dokumenteve tjera të Kuvendit,raportit të punës për periudhën katërvjecare dhe atij financiarë,një fjalë përshëndetëse mbajti Anton Kolaj,ish nënkryetar i LDK-së,në periudhën e themelimit dhe profilizimit të saj,i cili mes tjerash kërkoj që të bëhen përpjekje maksimale dhe të palodhëshme për aktivizimin edhe të pjesës më të "fjetur" të anëtarësisë së LDK-së,për një mobilizim të ri të tyre,në marshimin e partisë sonë,që në këto zgjedhje parlamentare, që do të mbahen së shpejti,e vetme të marrë në qeverisje pushtetin në Kosovë.LDK-ja, këtë do ta arrij me një konsolidim të radhëve të saj,rrugë kjo e nisur, drejtë afrimit,pajtimit dhe vetpajtimit,për të bashkuar energjitë për të mirën e Kosovës dhe qytetarëvë të saj.LDK-ja ka potencialet e veta,për tu përballuar edhe me ca goditje që po i bëhen pas shpine,sidomos nga njerëzit që deri dje kan ngrën bukën e saj.Përgjigja më e mirë ndaj të gjithë atyre janë koncensuset e lidershipit për të mirën e LDK-së,sepse rivitalizimi i saj me anëtar të hershëm e të rinjë,si dhe prurjet e reja,që po ndodhin cdo ditë, kan hapur edhe më shumë perspektivën e saj mobilizuese dhe garuese demokratike,gjithnjë rrethë trungut Rugovjan,që siq dihet, ishte dhe mbeti fryma identifikuese e luftës së LDK-së.për liri,pavarësi dhe demokraci.

Të pranishmit i përshëndeti edhe sekretari i degës së LDK-së,për Beneluks,z. Remzi Azemi,i cili kërkoj që bashkpunimi mes dy degëve të zhvillohet dhe thellohet edhe më tej,pasi ekzistojnë të gjitha parakushtet për një gjë të tillë,për të ndihmuar dhe lehtësuar rrugën e Kosovës drejt integrimeve Evropjane.

Anton Kolaj

Një mesazh përshëndetës,këtij kuvendi i kishte dërguar edhe aktivisti i palodhëshëm i LDK-së.nga ditët e para z. Abedin Gashi,i cili për shkak të përballjes me një sëmundje të vështirë,nuk kishte mundur të merrte pjesë në kuvend,si dhe z.Hazir Krasniqi,kryetari i gjertanishëm i degës së LDK-së,në Gjermani,i cili siq u kumtua për shkaqe poashtu shëndetësore nuk mori pjesë në punimet e tij.
Muharrem Sfarqa:Dega e LDK-së në Gjermani mbajti Kuvendin e rregullt zgjedhorë Dsc00012wz

Muharrem Sfarqa:Dega e LDK-së në Gjermani mbajti Kuvendin e rregullt zgjedhorë Dsc00012wz

Miftar Halili gjat diskutimit

Gjatë punës së kuvendit,me diskutimet e tyre kontribuan disa delegatë,në mesin e të cilëve,Osman Ferizi,Demë Çetaj si dhe Astrit Rraci,djali i ish kryetarit të Klinës Ismet Rracit (i vrarë pas luftës nga një dorë tradhtare),të cilët përkundër brengës që shprehën për vështërsit aktuale me të cilat po përballet LDK-ja,cfaqën,siq thanë ata optimizmin e tyre racional dhe të bazuar,se do të gjenden mundësi për të dalë shumë më të fortë se më parë nga këto zgjedhje;si brenda partiake poashtu edhe të atyre parlamentare.

Në pjesën e tij të punës delegatët,nga radhët e kandidatëve të propozuar,me votim te fshehtë,kryetar të ri,për periudhën katërvjeqare zgjodhën Qazim Bajgoraliun, kryetar i gjertanishëm i nëndegës së LDK-së,për landin e Rinit Verior ndërkaq për nënkryetar Miftar Dragidellën e për sekretar Shpend Shalen.

U zgjodhën edhe përfaqësuesit e degës për Kuvendin e përgjithshëm të LDK-së dhe kësaj përbërje do t i prijë Anton Kolaj,i cili siq u tha gëzon përkrahje të parezervë nga

anëtarësia e LDK-së e madje edhe nga mërgata në përgjithësi.Në këtë përfaqësim do të jenë edhe këta aktivistë të zgjedhur:Idriz Zeciraj,Azem Zemaj,Zymer Luli,Demë Çetaj,Kreshnike Mehmetaj,Blerim Hajdaraj dhe Qazim Bajgoraliu.

Në emër të të zgjedhurve u falënderua kryetari i ri i degës i cili premtoj se do të zhvilloj dhe kultivoj edhe më tutje frymën e afrimit dhe bashkëpunimit me anëtarësin,në të mirë të LDK-së, dhe aktivistëve mërgimtarë të saj,si kontribut i pandërprerë që i është falë dhe do ti falet Kosovës në vijimsi.

Pamje nga Kuvendi

Mon	Tue	Wed	Thu	Fri	Sat	Sun
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30