Daci: Isa Mustafa do të jetë fillimi i shpëtimit të një shtëpie të madhe

nga **Agim Gashi** Sat Nov 06, 2010 6:18 pm

Daci: Isa Mustafa do të jetë fillimi i shpëtimit të një shtëpie të madhe

Kryetari i Lidhjes Demokratike të Dardanisë, Nexhat Daci, ka lënë të hapur mundësinë e bashkëpunimit pas zgjedhjeve me Lidhjen Demokratike të Kosovës në qoftë se në krye të kësaj partie do të zgjidhet Isa Mustafa për kryetar, por ka përjashtuar mundësinë e bashkimit me LDK-në.
Ai këto komente i bëri të shtunën pas prezantimit të platformës së LDD-së për zgjedhjet nacionale, me ç’rast ka thënë se zgjedhja eventuale e Isa Mustafës nesër në Kuvendin zgjedhor të LDK-së do të jetë, siç u shpreh ai, fillimi i shpëtimit të një shtëpie të madhe.
“Unë pres që Isa të jetë një fillim i shpëtimit të një shtëpie të madhe, të një shtëpie që ka pas traditë, që është e njohur në krejt botën shqiptare dhe në atë rrugëtim Isa do ta ketë përkrahjen e LDD-së dhe timen. Unë nuk e thash se besoj që është vonë, por hapen mundësitë e çdo lloj bashkëpunimi pas zgjedhor”, ka thënë Daci.

Ndërsa, sa i përket zgjedhjeve që do të mbahen me 12 dhjetor, Daci theksoi se me këto zgjedhje do të ndryshojë rrënjësisht skena politike e qeverisëse në Kosovë.
“Do të ndryshojë rrënjësisht skena politike qeverisëse në Kosovë. Ftoj popullin që kësaj radhe të jetë i vetëdijshëm për krizën e rëndë që është në Kosovë dhe me pjesëmarrje në zgjedhje të sjellë një strukturë tjetër qeverisëse, e cila është e përgjegjshme në radhë të parë për qytetarin e Kosovës, për shtetin e Kosovës, për sovranitetin e tij, për integritetin dhe të ketë një fuqi të fuqishme të zhvillimit ekonomik”, ka thënë Daci.
Sipas tij, LDD është më e fuqishme se kurrë që të japë kontributin unifikues, krijues dhe kreativ që Kosova më në fund të jetë pjesë e popujve të Evropës së bashkuar.
“Ne kemi punuar shumë fuqishëm për këto tri vite dhe jemi optimist për një rritje të konsiderueshme dhe më vjen keq që sondazhet e fallsifikuara të porositura për prej gjithkah dhe gjithkujt edhe një herë do të dëshmojnë si në 2007 kur parashishin vetëm 2 % të LDD-së”, ka thënë Daci.
Kryetari i LDD-së, Nexhat Daci po ashtu, duke publikuar përmbajtjen e platformës për zgjedhjet nacionale ka thënë se Kosova sot në analizat e institucioneve relevante botërore rangohet në pikat e zeza botërore për shkak të një koalicioni që askush nuk e ka dashur në Kosovë.
“Me një qeverisje, me një koalicion që askush nuk e ka dashur në Kosovë në një mënyrë e kemi pru vendin që qytetari të mos jetë krenar për luftën e vet me shekuj të jetë zot shpie në vendin e vetë. Ajo që është rëndë për të gjithë ne është që qeverisja PDK-LDK nuk diti t’i shfrytëzojë as përparësitë strategjike në qarqet e institucioneve ndërkombëtare në Kosovë të ftuara sipas Kushtetutës së Republikës së Kosovës”, ka thënë Daci.
Ai ndërkaq ka përshëndetur vendimin e Qeverisë në shkarkim të Kosovës për emërimin e Aeroportit të Prishtinës me emrin e komandantit legjendar të UÇK-së Adem Jasharit dhe autostradën me emrin e ish-presidentit Ibrahim Rugova, duke thënë se LDD-së i bën nder ky vendim, sepse paraqet vizionin integrues të popullit të Kosovës.
LDD-ja sipas kësaj platforme të zgjedhjeve nacionale do të fokusohet në zhvillimin e bujqësisë,shëndetësisë, luftës së pa kompromis kundër korrupsionit dhe krimit të organizuar dhe integrimit në NATO dhe BE.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30