Isa Mustafa zgjidhet kryetar i LDK-së

nga **Agim Gashi** Sun Nov 07, 2010 9:33 pm

Isa Mustafa zgjidhet kryetar i LDK-së

(E plotësuar) - Isa Mustafa, kryetar i sapozgjedhur i LDK-së tha se LDK-ja dëshmoi se është parti demokratike, dhe e vetmja parti me frymën e tolerancës dhe demokracinë e saj nuk mund të matet askush.
“LDK mund të krenohet se gjatë dy dekadave të punës së saj të palodhshme për liri dhe pavarësi ka arritur të krijoj një filozofi të veçantë të veprimit politik që bazohet në vizionin e liderit të saj shpirtëror presidentin historik dr. Ibrahim Rugova.
Edhe këto procese të zgjedhore të LDK-së edhe pse të ngutshme, vërtetuan se LDK ka qenë dhe mbetet simbol i demokracisë dhe kulturës politike në vend. Kjo rikonfirmoi se asnjë parti tjetër politike nuk e ka të zhvilluar si LDK frymën e debatit dhe konkurrencës së brendshme. Asnjë parti tjetër në Kosovë nuk mund të matet me LDK-në sa i përket frymës së tolerancës dhe mirëkuptimit dhe për atë se anëtarët e LDK-së mund të mendojnë edhe ndryshe. Ai tha se në këtë proces zgjedhor, si kurrë më pare u konfirmua se LDK respekton votën, se vetëm me vote mund të zgjidhen dhe ndërrohen individë dhe organet e LDK-së dhe në asnjë mënyrë tjetër. Vota bëri që në këto zgjedhje të ndodhin ndryshime mjaftë të mëdha, t’u rikonfirmohet besimi atyre që punuan mirë, apo tu jepet besimi atyre që besohet se do të punojnë mirë”, tha Mustafa.
“LDK e fuqishme i duhet Kosovës. Pa LDK-në demokracia në Kosovë do të ishte një term tepër abstrakt, sepse kjo parti është ndërtuar si shkollë e demokracisë dhe si e tillë vazhdon të mbetet pavarësisht ballafaqimit dhe sfidave tona”, tha kryetari Mustafa. Ai tha se ka marrë përgjegjësi të madhe para anëtarësisë së LDK-së dhe qytetarëve, duke u zotuar se kjo përgjegjësi është përgjegjësi për fitore, e atyre që votuan sot, dhe atyre që do të votojnë në zgjedhjet nacionale.

Këtë fitore, kryetari Mustafa nuk e konsideroj si fitore të tij personale, por si fitore të përbashkët me profesor Fatmir Sejdiun dhe të gjithë anëtarësisë së LDK-së.

* * * * * *

Isa Mustafa është zgjedhur kryetar i LDK-së me shumicë të votave, me mbi 100 vota më shumë se kundërkandidati Fatmir Sejdiu, përkatësisht 235 vota pro Isa Mustafës, dhe vetëm 124 vota për kandidatin Fatmir Sejdiu. Numërimi i votave për kryetar të LDK-së është mbyllur rreth orës 14.55, duke shpallur se Isa Mustafa është zgjedhur kryetar i LDK-së, pas numërimit të 359 votave të fshehta të delegatëve të këtij Kuvendi.
* * * * * *
Kuvendi i VII i LDK-së ka kryer procesin e votimit të fshehtë dhe në çdo çast pritet fillimi i numërimit të votave. Rreth 360 delegat të LDK-së kanë hedhur votat e tyre, ndërsa në kryesi të punës janë edhe dy kundërkandidatët, Fatmir Sejdiu dhe Isa Mustafa.
Sejdiu ka premtuar se nëse do të fitojë Isa Mustafën do ta bëjë bartës të listës së deputetëve të LDK-së për zgjedhjet nacionale. Ndërsa, Mustafa tha se do të vazhdojë të kultivojë frymën e bashkimit të LDK-së.
* * * * * *
Kuvendi i LDK-së po bën votimin e fshehtë për kryetar të partisë
Aktualisht rreth 360 delegat të LDK-së po votojnë me votim të fshehtë për kryetar të LDK-së, pas një pauze prej gati një ore, për të zgjedhur njërin nga dy kandidatët, Fatmir Sejdiun dhe Isa Mustafën.
Ndërsa, më vonë pritet të kryhet numërimi i votave nga komisioni i zgjedhur nga Kuvendi. Më parë kryetari aktual Sejdiu bëri thirrje për vazhdimin e shtetndërtimit të Kosovës, ndërsa delegatëve dhe votuesve potencial të LDK-së u bëri thirrje për bashkimin e LDK-së dhe kthimin në shtëpinë e përbashkët të të gjithë atyre që janë larguar ndërkohë nga kjo parti.
Ai tha se pavarësisht që kohëve të fundit për muaj të tërë pati një fushatë të orkestruar me fyerje dhe denigrime LDK-ja nuk ra pre e tyre.

Isa Mustafa zgjidhet kryetar i LDK-së 7Kuvendi-7

Isa Mustafa zgjidhet kryetar i LDK-së 7Kuvendi-7

Isa Mustafa zgjidhet kryetar i LDK-së Kuvendi-1

Isa Mustafa zgjidhet kryetar i LDK-së 9Kuvendi-9

Isa Mustafa zgjidhet kryetar i LDK-së Kuvendi-3

Isa Mustafa zgjidhet kryetar i LDK-së Kuvendi-5

Isa Mustafa zgjidhet kryetar i LDK-së Kuvendi-6

Isa Mustafa zgjidhet kryetar i LDK-së SejdiuIsa

Isa Mustafa zgjidhet kryetar i LDK-së Kuvendi-10

Isa Mustafa zgjidhet kryetar i LDK-së Kuvendi-7

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30