AKR-PSD arrijnë koalicion parazgjedhor

nga **Agim Gashi** Sun Nov 07, 2010 9:39 pm

AKR-PSD arrijnë koalicion parazgjedhor

Në garën për zgjedhjet nacionale AKR-së i bashkangjitet edhe PSD-ja

Pas Koalicionit me Partinë e Drejtësisë, Aleanca Kosova e Re ka nënshkruar marrëveshje të koalicionit para zgjedhjeve qëndrore të 12 dhjetorit edhe me Partinë Social Demokrate të Kosovës, në krye me Agim Çekun.
AKR do të garojë në zgjedhjet e ardhshme parlamentare si koalicion politik me akronimin AKR-PD-PSD.
Kjo u bë e ditur të dielën me rastin e nënshkrimit të marrëveshjes për koalicion ndërmjet kryetarëve të dy subjekteve politike, Behgjet Pacolli dhe Agim Çeku.
Kryetari i AKR’së, Behgjet Pacolli, me rastin e nënshkrimit të marrëveshjes, ka thënë se arritja e kësaj marrëveshjeje është bërë duke vlerësuar se proceset e shtet-ndërtimit të vendit imponojnë nevojën për mobilizimin e të gjitha resurseve politike për tejkalimin e sfidave serioze.
“Ne kemi nevojë për politikë dhe ne kemi nevojë për politikanë të sinqertë që nuk punojnë për interesat e veta partiake, por që punojnë për interesat e kombit, për interesat e qytetarit”, ka thënë Pacolli.
Ndërkaq, Kryetari i PSD’së Agim Çeku ka theksuar se ekzistojnë disa arsye pse PSD-ja i është bashkuar AKR-së. “Një ndër arsyet kryesore është që AKR nuk mban përgjegjësi për dështimet në qeverisje të deri tashme dhe se AKR ka kapacitete të mjaftueshme për të udhëhequr bashkarisht Kosovën”, ka thënë Çeku.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30