Në orët e paradites takohen Isa Mustafa e Ukë Rugova

nga **Agim Gashi** Mon Nov 08, 2010 2:14 pm

Në orët e paradites takohen Isa Mustafa e Ukë Rugova

Bota sot
Në këtë takim Isa Mustafa e Ukë Rugova do të përpiqen të merren vesh për hartimin listës së përbashkët për deputetë në Kuvendin e ardhshëm të Republikës së Kosovës.

Sipas burimeve tona të informimit, kryetari i sapozgjedhur i LDK-së Isa Mustafa, në orët e paradites së ditës së sotme ka pasur në agjendë takimin me Ukë Rugovën, djalin presidentit Ibrahim Rugova dhe një nga iniciatorët e themelimit të listës “Dr.Ibrahim Rugova”. Në këtë takim Isa Mustafa dhe Ukë Rugova do të përpiqen të merren vesh për hartimin listës së përbashkët për deputetë në Kuvendin e ardhshëm të Republikës së Kosovës.
Gjithnjë sipas burimeve tona, në këtë takim do të arrihet marrëveshja që Ukë Rugova të jetë në 5-shen e parë të listës së kandidatëve për deputetë në Kuvendin e Kosovës, ndërkaq Lista “Dr.Ibrahim Rugova” të mos marrë pjesë si subjekt i veçantë në zgjedhjet e ardhshme nacionale. Gjithashtu në 10-tëshen e parë të listës do të jetë edhe Bujar Bukoshi ndërkaq pjesë e listës prej 110 deputetëve për Kuvendin e Kosovës do të jenë edhe iniciatorë të tjerë të Listës “Dr.Ibrahim Rugova”.
Zgjedhja e Isa Mustafës për kryetar të LDK-së dhe largimi i Fatmir Sejdiut nga kreu i LDK-së i ka hapur rrugë unifikimit të fraksioneve brenda LDK-së, ndërsa edhe partitë e tjera që kanë dalë nga LDK-ja kanë dhënë sinjale pozitive se me Isa Mustafën mund të bashkëpunojnë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30