Kujtim Stojku:AUTOBIOGRAFIA IME.

nga **Agim Gashi** Mon Nov 08, 2010 2:50 pm

Kujtim Stojku:AUTOBIOGRAFIA IME.

Kush jam unë? Dhe si jeni kështu m’thonë mua
U përgjigjem jam njeri si ju dhe eci me dy këmbë
Njeri me komplekse në shpirt që më bën të vuaj
Kur nevrikosem më vjen të ha veten me dhëmbë.

Natyrisht kjo nuk është e mirë, por dhe unë kam gjak
Si krijesë e ndërlikuar kam fatin të jetoj në dy shekuj
Në mendje më është ngulitur gjysma e shekullit XX-t
Kujtime dhe ngjarje që edhe n’kët shekull m’kan' mbetur.

Por unë jam përtrirë vazhdimisht që nga kohët e vjetra
Për të arritur deri këtu ku jemi të gjithë ne tani
Qysh se u lindëm së pari prej kaosit, lindëm nga dheu
Vetëm Zoti është më i vjetër se ne, dhe ai ka gjith lavdinë.

Kështu brez pas brezi të parët e mi nuk lëvizën prej këtu
Që nga shpellat, pyjet, dhe për mbrojtje kisha malet
Isha ai që kisha mik perënditë dhe prandaj atyre u falem
Ndoshta mëkat kam krenarinë sepse me ta unë matem.

Unë s’kam qenë dinak dhe dështuar s’kam asnjëherë
M’kanë rrëzuar, vrarë, shkelur por jam ringritur prap
E mira dhe e keqja nuk m’është ndarë, m’ka ndjekur n’çdo hap
E pra kështu jam unë siç jeni ju, koka më ka rënë në kët prag.

E gjitha kjo bashkë me ju është autobiografia ime
Që ka rrjedhur rrëmbyeshëm si rrëkeja në bokë
Rrënjët e mia nga pak po bëhen të dukshëm
Që nga perandoria e parë Pellazge mbi këtë tokë.

Rri e mendoj i qetë për të gjitha talljet që m’kan’ bërë
Shpellar, barbarë dhe egërsirë qysh në lashtësi
Civilizimin nga ne ju të gjithë e morët
Qytetrimi jonë thellë i ka rrënjët, në Histori.

Fund.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30