Ekskluzive/“Shoferi fliste në telefon –Policët ishin të dehur-Ambulanca shkoi dy orë me vonesë!”

nga **Agim Gashi** Wed Nov 10, 2010 10:01 pm

Ekskluzive/“Shoferi fliste në telefon –Policët ishin të dehur-Ambulanca shkoi dy orë me vonesë!”

-Shoferi fliste në telefon në momentin e aksidentit

-Policët që shkuan të parët në vendin e ngjarjes nuk ndihmonin

-Policët që shkuan të parët nuk kishin me se të njoftonin Komisariatin

-Policët iu kërkonin udhëtarëve telefonat sepse nuk kishin monedha në celularët e tyre

-Njëri nga policët ishte i dehur

-Ambulanca e parë ishte furgon me sendilje

-Bëri një orë sa të merrte 3-4 vetë

-Ambulanca shkoi pas dy orëve me dy infermjere,të cilat nuk zbritën të jepnin ndihmë tek të plagosurit.

-Sa udhëtarë vdiqën menjëherë në aksident?

Ngjarja e dhimbshe që ndodhi ditën e hënë në mbrëmje në aksin rrugor Fier-Tepelenë ,ku mbetën të vdekur 9 shqiptarë,dëshmohet ekskluzivisht për Albnow nga një udhëtar i autobusit që ishte mbrapa autobusit tragjik.

I riu që foli për Albnow shprehu keqardhjen e tij përsa i përket sistemit shëndetësor në Shqipëri,përsa i përket policisë si dhe zjarrfikseve që shkuan më shumë se tre orë me vonesë.

Emigranti që pa me sytë e tij ngjarjen tragjike ishte në autobusin që vinte pas autobusit tragjik me një distanë kohore 3 minuta.

“Kur arritëm tek vendi ku kishte rënë autobusi,pamë një të ri të gjakosur.Nuk e di se si gjendej ai në rrugë.Për një moment menduam se ishte aksidentuar me motorr.Më pas pamë se çfarë kishte ndodhur dhe u tmerruam” thotë emigranti Denis.

“Sapo zbritëm nga autobusi dëgjuam zëra që kërkonin ndihmë dhe unë u sula i pari dhe më ndoqi edhe një tjetër udhëtar i autobusit tonë.Kur zbrita poshtë zura kokën me dorë.U tmerrova.Tre vetë kishin vdekur menjëherë sepse ishin jashtë autobusit,nuk e di se si dolën.Njërin nga viktimat e kishtë zënë autobusi nga poshtë.Mora një vajzë që ishte plagosur rëndë dhe e ngjita lart,më pas mora edhe një grua tjetër”vazhdon Denisi.

Më pas ai tregon , kur shkoi policia dhe cilët ishin ata policë.”Në kohë që ne po ngjitnim në rrugë të plagosurit,erdhën tre makina policie me tre policë.Policët nuk kishin radio që të flisnin me Komisariatin e tyre.Nuk kishin as monedha në telefonat e tyre celularë.Njëri nga policët mu afrua dhe më kërkoi telefonin(!) që të informonte qendrën.Nërkohë që tre policët nuk e morën mundimin të zbrisnin poshtë dhe të ndihmonin ,por rrinin në rrugë dhe shikonin.Njëri prej tyre kishte konsumuar alkool apsi mbante erë nga një distancë e madhe”.

“Rreth 15 minua më vonë erdhi një si tip ambulance,e cila shkruante ambulancë ,por ishte një furgon i thjeshtë me sendilje dhe pa asnjë ilaç.Qëndroi aty rreth një orë derisa mori disa të plagosur.Unë pashë që mori shoferin dhe dy të tjerë,por mund të ketë marrë edhe më shumë.Shoferi ishte i moshuar.Dy orë më pas erdhi një ambulancë e rregullt me dy infermjere,të cilat po rrinin e prisnin tek rruga kur ne të ngjitnim të plagosurit.Ishte një infermjere e re dhe një e moshuar.Njëra prej tyre i bëri një gjëlpërë njërit prej të plagosurve,këtë e mbaj mend mirë.

Një moment erdhi një polic dhe mesa kuptova ishte oficer policie-shef.Menjëherë iu bërtiti policëve dhe u hodh i pari për të ndihmuar të plagosurit.Njëri nga policët kur mu afrua mbante erë alkool,që tregon se kishte konsumuar pije alkoolike.

Nga e gjithë zona përreth erdhën banorët me traktorë dhe zetorë dhe na ndriçonin vendin.Unë qëndrova aty më shumë se tre orë e gjysmë

Gjatë orëve që qëndrova unë nuk kishin erdhur as forca të ushtrisë,as RENEA dhe as zjarrfikësia.Besoj se nëse ne kishim më shumë organizim si shtet aty viktimat nuk do të ishin nëntë por shumë më pak.

Zjarrfiksja erdhi pas katër orëve,ndërsa një zjarrfikëse tjetër unë e pashë afër qytetit të Gjirokastrës teksa po ikja me autobus.”

Denisi tregon edhe cilat ishin fjalët e shoferit,por cilat ishin edhe fjalët e vajzës së parë që Denisi ngjiti në rrugë.”E pashë shoferin dhe i fola.Ai ishte i gjakosur në njërën anë të kokës.Shoferi më tha se kamioni i kuq me të cilin u shkëmbye ,i mbylli rrugën.Teksa po ngjitja lart vajzën e plagosur,ajo më tha se shoferi po fliste në telefon në momentin e aksidentit”

“Më vjen çudi kur thonë se shkoi për ndihmë RENEA dhe forcat e ushtrisë,pasi për tre orë e gjysmë që isha unë atje ata nuk kishin erdhur.Sot u bëra gati të marr në telefon në Shqipëri dhe t’u thosha se nuk kanë turp që gënjejnë.Në atë aksident tragjik,nëse do të kishte patur organizim do të kishim shpëtuar jetën e disa prej atyre që vdiqën.Të plagosurit humbën shumë gjak.”thotë Denisi ,duke shprehur zemërimin ndaj politikës shqiptare dhe e krahason Shqipërinë me vendet e Afrikës.

Klikoni mbi foto që ta shikoni të plotë…

Ekskluzive/“Shoferi fliste në telefon –Policët ishin të dehur-Ambulanca shkoi dy orë me vonesë!” Ngjarja-Tepelene-e1289413528145

Lexoni gjithashtu: Shikonte motrën dhe babain e saj duke vdekur dhe nuk mundi ti ndihmonte

Albnow Lajme

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30