Daci: Kryeministri është shumë “frajer”

nga **Agim Gashi** Tue Nov 23, 2010 10:03 pm

Daci: Kryeministri është shumë “frajer”

Kryetari i LDD-së, Nexhat Daci, gjatë një debati me studentë në kolegjin “Pjetër Budi”, ka adresuar një sërë kritikash ndaj qeverisë në largim, ndërsa premtimin e kryeministrit në largim për rritje pagash të mësimdhënësve për 50 për qind e ka quajtur jo kushtetues dhe jo ligjor.

Gjatë një ligjërate në Kolegjin Pjetër Budi, kryetari i LDD-së, Nexhat Daci e ka përshkruar të rëndë gjendjen në Kosovës, si në aspektin e zhvillimit ekonomik, mirëqenies qyetare, papunësisë, krimit të organizuar, korrupsionit, evazionit fiskal , bilancit negativ tregtar si dhe izolimit të shtetit në rrafshin ndërkombëtar. Për këtë gjendje të rëndë Daci ka fajësuar ndërkombëtarët, që sipas tij, nuk po e kryejnë punën e vetë për çka kanë ardhur, por nuk ka lënë pa fajësuar edhe vendorët. Kryetari Daci tha se LDD nuk premton, por garanton që me pjesëmarrje në qeverisjen e ardhshme, ta ndryshojë në tërësi fizionominë e Kosovës.
Daci është përgjigjur në pyetjet e studentëve, por ka folur edhe për zhvillime të tjera në skenën politike, zhvillimet në LDK, rugovizmin etj. Ai tha se LDD për nga programi është më e afërta me LDK-në dhe pret bashkëpunim me të pas zgjedhjeve. Shkuarjen e Ukë Rugovës në koalicion me AAK, Daci e ka quajtur të gabueshëm, ngase, siç u shpreh, pikërisht AAK-ja është ajo që nuk nuk ka fare rugovizëm.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31