AKR-ja do të çmontojë krimin e organizuar

nga **Agim Gashi** Tue Nov 30, 2010 1:26 am

AKR-ja do të çmontojë krimin e organizuar

Zelije Krasniqi
Intervistë me Suzana Novoberdaliun, kandidate për deputete në AKR

AKR-ja do të çmontojë krimin e organizuar Suzana%20Novoberdaliu

“Bota sot”: Po kandidoni për mandatin e dytë të deputetit. Çka mendoni të ndryshoni në mandatin e dytë, qoftë si koncept, qoftë si sjellje?
Novoberdaliu : Natyrisht që në mandatin e dytë do të shkoj me një përvojë të lakmuar parlamentare. Njëkohësisht sa i përket sjelljes, dua të them se unë dhe familja ime kemi investuar në këtë formim që kam. Sa i përket ndryshimeve ju e dini se kuvendi funksionon në bazë të strategjisë dhe projektligjet sponsorizohen kryesisht nga qeveria. Në bazë të kësaj vendi harton planin vjetor të punës së vet.
“Bota sot”: Çka do t’u premtoni qytetarëve që t’i bindni të votojnë për ju?
Novoberdaliu : Kur përmenden premtimet sikur kihet përshtypja që lufta duhet bëhet për të premtuar pa u brengosur se realisht çfarë do të bëjmë për jetën e qytetarit tonë. Politika jonë lidhet me atë që e kemi të shkruar në programin tonë zgjedhor. Premtimi shpeshherë bëhet si hedhje hi syve votuesve sa për të marrë një votë, ndërkohë që ne nuk përfaqësojmë këtë mentalitet mashtrues, por ne hulumtojmë, studiojmë të gjitha mundësitë dhe tek pastaj hartojmë strategjinë e ofertës që është e realizuar qind për qind.
“Bota sot”: AKR lufton të jetë e para apo vetëm pjesë e Kuvendit?
Novoberdaliu : AKR-ja si subjekt i dëshmuar politik, si subjekt i një niveli elitar parlamentar, si subjekt i parimeve të demokracisë liberale dhe si subjekt i kritikës parimore, është dëshmuar se është potencialisht e fortë për të garuar brenda rregullave të lojës për të qenë fituese e zgjedhjeve. Me këtë kuadër platforma politike dhe strategjia e AKR-së, e cila si shtyllë ka zhvillimin ekonomik të vendit tonë për një jetë të dinjitetshme të qytetarit të saj, është e bindur se në mënyrë të pakrahasueshme është më e avancuar, më serioze dhe më e besueshme për të qeveris vendin.
“Bota sot”: Po, koalicionin me cilën parti preferoni?
Novoberdaliu : Esenciale për AKR-në është që të bëjë konsolidimin e fort të kuadrove që platforma e saj politike dhe programore të jetë sipër partive të tjera konkurruese e që këto së bashku të ja bëj të qartë elektoratit të vendit tonë.

“Bota sot”: A do të jeni më të fuqishëm në këto zgjedhje me koalicionet që keni bërë?
Novoberdaliu : AKR-ja edhe në planin e bashkëpunimit është treguar subjekt i hapur dhe i sinqertë me të tjerët. Në këtë logjikë tani bashkë me koalicionin është mbushur me plotë substancë profesionale dhe me vlera të dëshmuara në rrafshin nacional. Është e padiskutueshme që në këtë mes janë rreshtuar me ne, vlera të dëshmuara të personaliteteve dhe subjekteve politike.
“Bota sot”: Cilat janë pikat kryesore të programit tuaj personal dhe partiak?
Novoberdaliu : Ne jemi subjekt politik dhe programi i partisë është pjesë e secilit prej nesh dhe të gjithë ne kemi kontribuar në hartimin e këtij programi. Në planin ekonomik oferta jonë është qindra herë më e volitshme dhe më e besueshmja se sa e të gjithë subjekteve tjera bashkë. Në planin e sigurisë AKR-ja garanton sigurinë e qytetarit për dallim nga gjendja e tanishme çfarë është dhe shtrirjen e pushtetit n çdo cep të Kosovës, për dallim nga koha e tanishme kur 30 % e territorit tonë është jashtë administrimit të Republikës. AKR-ja do të çmontoj krimin e organizuar i cili është bërë pushtet mbi pushtetin.
“Bota sot”: AKR-ja nëse vjen në pushtet a do ta ketë të vështirë,kur dihet se qeveria në rënie ka lënë shumë çështje të hapura ose të nisura gabimisht ?
Novoberdaliu : Dua të them që në fillim se AKR-në e karakterizon guximi për të përballur me sfidat, aq më tepër kur ndihet tepër komode, pra e përgatitur dhe fare nuk e ka për siklet që të bëj gjëra shumë më të mira për vendin dhe qytetarët e saj. Ne do të rishikojmë një nga një çdo projekt qoftë i karakterit politik, ekonomik, që i ka nisur qeveria e mëparshme. Ne nuk jemi për atë që të shkatërrohet ajo që është bërë mirë, por do të stopojmë gjithë ato projekte që rezultojnë me konflikt interesash apo aq më tepër me hajni. Ne do bëjmë që qytetarët e këtij vendi të krenohen me vendin e tyre dhe jo të planifikojnë ikjen sa më parë nga vendi i tyre siç është sot.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30