Reagon edhe Mustafa për raportin e Dik Martit

nga **Agim Gashi** Thu Dec 23, 2010 2:45 pm

Reagon edhe Mustafa për raportin e Dik Martit

Lidhur me raportin e raportuesit të Këshillit të Evropës Dik Marti, ka reaguar edhe kryetari i Lidhjes Demokratike të Kosovës Isa Mustafa. Ai ka thënë të mërkurën në mbrëmje se opinioni i LDK-së është po i njëjti me atë që ka dhënë Qeveria dhe qytetarët e Kosovës.
Kreu i LDK-së ka theksuar se është duke iu bërë një dëm i madh Kosovës në këto ditë, nga një raport i cili pa asnjë argument është vënë në funksion të demantimit dhe hedhjes poshtë të gjithë asaj që ka bërë Ushtria Çlirimtare e Kosovës dhe populli i Kosovës.
"Është një dëm shumë i madh i cili po i shkaktohet Kosovës këto ditë, është një raport i cili pa argumente të caktuara është vënë tani në funksion dhe po shfrytëzohet që të themi të demantohet dhe të hidhet poshtë ajo që është bërë këtu nga Ushtria Çlirimtare e Kosovës dhe nga populli i Kosovës për çlirimin dhe pavarësimin e Kosovës. Është thënë që ne do të jemi të hapur për të gjitha argumentet të cilat do të jepen dhe unë mendoj që një fushatë e tillë ndaj Kosovës dhe ndaj pavarësisë së Kosovës, ndaj institucioneve të Kosovës nuk ka bazë, ndërkaq mendoj që Kosova duhet të jetë e hapur që të argumentohen, të jepen faktet që tani mungojnë dhe përderisa situata është kështu unë mendoj se është shumë e dëmshme për ne dhe totalisht e papranueshme", ka thënë Mustafa.
Mustafa ka theksuar se Kosova duhet t'i shfrytëzojë të gjitha mundësitë, duke shfrytëzuar rrjetin diplomatik jashtë në mënyrë që të thuhet e vërteta para bashkësisë evropiane dhe që në mënyrë institucionale, Kosova t'i kundërvihet propagandës që po bëhet ndaj saj.
Ai ka thënë se duhet të përdoren të gjitha rrugët në mënyrë që të argumentohet e vërteta në institucionet përkatëse, në mënyrë që mos të ketë raporte të tilla të cilat pa asnjë argument, e sjellin Kosovës dhe institucionet e saj në një pozitë të pakëndshme.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30