SHBA-të mbështesin çdo qeveri që zgjidhet nga qytetarët e vendit

nga **Agim Gashi** Thu Dec 30, 2010 10:14 pm

SHBA-të mbështesin çdo qeveri që zgjidhet nga qytetarët e vendit

Zëvendësndihmës sekretari amerikan i Shtetit, Tom Kantrimen, thotë se përderisa të mos provohen akuzat që ngritën në raportin e të dërguarit të Këshillit të Evropës, Dik Marti, administrata amerikane do të mbështesë çdo qeveri në Kosovë që zgjidhet nga qytetarët e vendit.
Në një intervistë për BBC-në, Kantrimen i ka cilësuar zgjedhjet e përgjithshme të jashtëzakonshme në vend si më të suksesshmet dhe më të drejtat që Kosova ka zhvilluar, megjithëse tha se janë shënuar edhe probleme serioze në disa qendra.
"Njëkohësisht është e rëndësishme për Kosovën që të vazhdojë me zhvillimin e shpejtë dhe mbresëlënës të institucioneve të saj qeveritare që t'i demonstrojë bashkësisë ndërkombëtare se ajo ka edhe aftësi për vetëqeverisje të fortë, se ka aftësi për një ekonomi të qëndrueshme dhe se ka një të ardhme si anëtare e BE së", theksoi Kantrimen.
Ai konsideron se "për sa kohë kjo të demonstrohet në vazhdimësi dhe e ndërtuar në përparimin e jashtëzakonshëm në tre vitet e kaluara, do të jetë më e lehtë për të bindur shtetet e tjera në botë për ta njohur Kosovën", tha Kantrimen.
Ai theksoi se SHBA-ja e merr seriozisht raportin e zotit Marti dhe se mbështet rekomandimet e tij që EULEX-i të hetojë çështjet e ngritura. Kantrimen tha se raporti i Dik Martit e dëmton reputacionin e Kosovës, por i ka dhënë mbështetje qeverisë së Kosovës që çështjet e ngritura në raport të hetohen, të verifikohen ose të hidhen poshtë sa më shpejt.
"Fillimisht dua që të theksoj se ne e marrim raportin e zotit Marti seriozisht". "Ai përmban një numër akuzash. Me gjasë, ka dëshmi shtesë dhe dëshmitarë që nuk përmenden në raport dhe që duhet t'iu ofrohen autoriteteve kompetente hetimore, në këtë rast EULEX it, misioni i Bashkimit Evropian për sundimin e ligjit në Kosovë".
SHBA-të i mirëpresim deklaratat e qeverisë në Kosovë dhe në Shqipëri, se janë plotësisht të gatshme që të bashkëpunojnë në çfarëdo mënyre me cilëndo punë të bërë nga EULEX-i për të hetuar çfarëdo dëshmie të re që mund të përmbajë raporti.
"Sigurisht se e dëmton reputacionin e Kosovës dhe për këtë arsye ne e ndajmë mendimin me qeverinë e Kosovës se kjo çështje duhet të sqarohet, duhet të hetohet dhe ose të verifikohet ose të hidhet poshtë sa më shpejt". Kantrimen i ka cilësuar zgjedhjet e përgjithshme të jashtëzakonshme në vend si më të suksesshmet dhe më të drejtat që Kosova ka zhvilluar, megjithëse tha se janë shënuar edhe probleme serioze në disa qendra.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30