Bllaca thotë se pas luftës janë vrarë 456 njerëz

nga **Agim Gashi** Wed Jan 12, 2011 11:24 pm

Bllaca thotë se pas luftës janë vrarë 456 njerëz

(E plotësuar) Nazim Bllaca nga Ribari i Madh i Lipjanit që nga një dhjetori i vitit të shkuar është i lirë, por vetëm një herë ka dalë nga shtëpia për t'i rregulluar paksa dhëmbët. Për më shumë se 365 ditë ai është errur e zgjuar brenda mureve të një shtëpie jo fort të madhe. Nazim Bllaca, njeriu që kishte marrë mbi vete shumë vepra penale, duke denoncuar edhe shumë të tjerë, ndonëse mund të lëvizë i lirë nga 1 dhjetori 2010, vetëm një herë ka dalë nga shtëpia. Ai pret që në janar të vitit të ardhshëm të nisë procesi gjyqësor, të cilin ai e quan "maratonik". Aty pret të ndriçohen të gjitha krimet e pasluftës. Pret po ashtu edhe dënim për vete deri në 40 vjet burg.
Ai i tha se për herë të parë që për gjashtë muajt e parë të pasluftës në Kosovë janë vrarë 456 njerëz, ndërsa për 12 muaj 600. Bllaca e fut veten në mesin e atyre që kanë marrë jetën e këtyre njerëzve.

Bllaca ka pohuar se aktakuza do të ngrihet ndaj tij dhe ndaj të gjithë atyre që i ka i përmendur në akuzë. "Përafërsisht janë diku 12 persona. Është Azem Syla, Ekrem Jashari e teposhtë. Deri tek ata që përpiqen t'i fshehin provat e Bllacës. Është fjala për krimet e pasluftës. Deri te Hysri Rama, për shembull, i cili deri ditën kur është kryer atentati ndaj meje ka qenë non stop me mua dhe Qazim Shabanin". Bllaca po ashtu i ka gazetës se ka gisht edhe në kërcënimin e dëshmitarëve për disa raste të inkriminuara. "Ka pasur kërcënime, ka pasur përcjellje të porosive me anë të ndonjë shkrese apo diçka tjetër. Kryesorja nuk kemi ndenjur bash rahat në procesin 'Limaj'. Mua më vjen mirë që Fatmir Limaj ka thënë më 3 dhjetor 2009 në 'Klan Kosova', kur ka dalë me Jakup Krasniqin, që kriminel si Bllaca ka pasur pas luftës. Është e vërtetë që kam qenë kriminel, po vetëm me një nuk pajtohem me Limajn, sepse ai është dashur të thotë se Bllaca ka qenë një minikriminel edhe gjatë luftës. E kupton këtë Limaj çka do të thotë. Besoj se kur ta lexojë gazetën prapë do ta kuptojë çka po i them", është shprehur ai. I pyetur se ndjehet kriminel, Bllaca është përgjigjur: "Unë e kam bërë një vepër penale shumë të rëndë, shumë të keqe, dhe një kohë jam mburrur me atë vepër, kam qenë krenar. Është fjala për vrasjen e Ibush Kllokoqit. Edhe ai ka qenë pjesë e kësaj shoqërie, pjesë e Kosovës...". Ndërkaq në pyetjen se a i vjen keq që ia ka marrë jetën këtij njeriu, është përgjigjur: "Po, pendohem për atë ... Pasi që është kryer vepra, kemi ngrënë darkë në restorantin 'Qafa' dhe kuptohet të nesërmen apo të pasnesërmen ka pasë shkruar një e përditshme. Meqenëse edhe shtypi në atë kohë u ka ikur këtyre vrasjeve, sepse për gjashtë muaj në Qeverinë e Hashim Thaçit janë vrarë 456 persona. Gjatë kohës së Qeverisë së Përkohshme. Ndërsa për 12 muaj 12 qershor 1999 30 qershor 2000 janë vrarë 600 persona. Në këtë numër unë një vrasje e kam kryer...". Bllaca thotë po ashtu se ka asistuar në vrasjen e Salih Gashit. Ndërsa për pohimet e Azem Syles se nuk e njihka, ai thotë se provat tregojnë të kundërtën. Unë e kam akuzuar Azem Sylën se është i implikuar tek Adem Salihaj, tek Ibush Kllokoqi, te të gjithë, por çka është më interesant për mua dhe që mbetet enigmë është sesi është e mundur që ky person të na angazhojë ta vrasim një mik të shtëpisë së tij. E kam fjalën për Ismet Arifin... Vëllai i Ismetit (Arifit v.j.) është baxhanak me Shpresim Ukën. Të dy këta janë të martuar me mbesat e Azem Sylës. I pyetur se çka dini për Sigurimin e Atdheut, Bllaca përgjigjet: "Unë as të mitë nuk i kam njohur. Për shembull: unë e kam pranuar publikisht që nuk e njoh Kadri Veselin, nuk e kam njohur Kadri Veselin, as si 'Lul' as si Kadri. Domethënë dihet kush e ka pasur shtyllën e veçantë. Sa i përket Sigurimit të Atdheut, kur është vrarë Tahir Zemaj, më 4 janar 2003, kam dëgjuar, por kurrë me këta njerëz nuk kam pasur kontakt. Absolutisht".
* * * * * *
Bllaca: Kam qenë kriminel, meritoj punë në MPB
Nazim Bllaca nga Ribari i Madh i Lipjanit, i cili nga dhjetori i vitit të kaluar është i lirë, vetëm një herë ka dal nga shtëpia për të rregulluar dhëmbët. Për më shumë se 365 ditë ai është errur e zgjuar brenda mureve të një shtëpie jo të madhe. Krejt kohën e ka kaluar duke e lexuar Kodin Penal të Kosovës, gazetat e duke shikuar lajmet.
Në një intervistë për Kohën Ditore, për herë të parë ka deklaruar se për gjashtë muajt e parë të pasluftës në Kosovë janë vrarë 456 njerëz, ndërsa për 12 muaj 600, duke e përfshirë edhe vetën në mesin e atyre që kanë marrë pjesë në vrasje.
Ndër të tjera, ai ka thënë se ka qenë anëtar i PDK dhe ka qenë “nëntokë e PDK-së”. “Nuk dihet. Mund të ndodhë që nuk e lëshoj PDK-në, por së pari duhet që PDK-ja të sitet mirë dhe të pastrohet”, ka deklaruar Bllaca.
Ai ka thënë se nuk ka dalë në zgjedhjet e fundit për të votuar, pasi që, siç ka thënë ai, "më duhej të shkoja me sigurim në shkollë. Nuk kam dashur të shqetësohen njerëzit". I pyetur se disa nga njerëzit që i ka akuzuar kanë konkurruar në zgjedhje dhe kanë marr vota, dhe nëse edhe ai do të konkurrojë nëse nuk dënohet apo kur të del nga burgu, Bllaca ka thënë se beson që PDK-ja do t’ia “gjejë” ndonjë punë.
“Nëse këta (PDK) e marrin ndonjë resor të rëndësishëm, si për shembull Ministria e Punëve të Brendshme, besoj se do të ma gjejnë një vend pune. E meritoj, se edhe unë bajagi njëfarë krimineli kam qenë. Besoj se ma bëjnë një vend. Unë nuk lypi shumë, një zyre të vogël”, ka thënë Bllaca.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30