Mentor Thaqi:NJERIU I KALTËRSISË ENGJËLLORE! (William Walker në 11 Vjetorin e Masakrës së Reqakut) - Vargje falënderimi-

nga **Agim Gashi** Sat Jan 15, 2011 3:38 am

Mentor Thaqi:NJERIU I KALTËRSISË ENGJËLLORE! (William Walker në 11 Vjetorin e Masakrës së Reqakut) - Vargje falënderimi-

Fjalën e pathënë të Reqaklinjëve,
po ta thëm sot mik,
atë që atyre në frymën e fundit,
në gojë iu mbeti,
se nesër nuk i dihet,
moti mund të ngryset,
e ty,
Engjëll i kaltërt
i kaltërsive engjëllore:
"Të falemi nderit,
në k´të Botë dhe atë tjetrën!"

Mik i mirë, të vështirë e pate,
e bëre si duhet,
për të mirën humane!

Fjalën dhe ardhjen tënde,
nyjelidhjeve me litar shprese,
mbi dymilionë të getoizuar
dhe dhjetë tjerë të izoluar, prisnin,
se, Gjeneralët jo veç luftën bëjnë!
Ata, me luftë paqen arrijnë.
Flamurtarë të nënshkrimit
të tensionshuarjeve
dhe uljes shtruar të hundëpërpjetëve!
Ambasador nderi, josecili mund të bëhet,
veç ata që nderin patën dhe nderit i shërbyen!

Të falemi, o mik,
për fjalën e thënë,
që ne dhe Zoti mbi një shekull prisnim,
kur hezitimi gojët mbyllte!
Populli im,
midis inicialesh të shënjta
dhe dy të arta ruan:
WW-në e kuptimit të Lirisë!

Eh, atë Shpresën e madhe:
sa shpejtë mendjendriturit,
përqafim e bënë!
Ti e nise dhe inicove,
ekzekutimin e bënë ata që deshën!

Liria ime fizike, mik,
është Liria jote në shpirtë,
o Kalorës i ëndërrave të lira
të fëmijëve të botës!
Shumëkush tha, se nga Qielli pike,
i kaltër me kaltërsinë hyjnore.
Deshe dhe dite ahera,
po e bën dhe sot, përballë ligësive,
me gjoksin dashuriplot.
Të bekoftë i Madhi Zot!
Jo veç goja, mëndja e zemra, e thot!!!

Mentor Thaqi R-VS, 14.01.2011
(PS. WOC - Walker, Ollbright, Clinton)

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30