Prej PD-së kalojnë në LDK-në

Prej PD-së kalojnë në LDK-në

Tefik Selimi, BOTA SOT
Ndryshon skena politike në Gjilan

Kryetari i degës së LDK-së në Gjilan, z. Lutfi Haziri, të shtunën u paraqit njoftoi gazetarët se e tërë kryesia e Partisë së Drejtësisë ka kaluar në radhët e LDK-së. “Nesër është ditëlindja e 19-të e LDK-së në Gjilan. Është një përvjetor i rëndësishëm për të gjithë ne. Unë jam i lumtur që para jush mund ta paraqes një marrëveshje të arritur nga dje me krytarin e Partisë së Drejtësisë, këshilltarin komunal, z. Bekim Bilallin. Me këtë marrëveshje parashihet që e tërë kryesia e PD në Gjilan shkrihet në LDK-në. Haziri tha se aderimi në strukturat e LDK-së kanë rrjedhë të natyrshme. Ndërsa Bekim Bilalli, këshilltar komunal nga Partia e Drejtësisë tha se, kemi vendosur që t’i bashkohemi LDK-së me qëllimin më të mirë që të kontribuojmë në ndryshimin e qasjes dhe inplementimin e politikës së Gjilanit më gjerë. “Sot veç e kemi bërë publike marrëveshjen e arritur dhe, besoj që do të jemi një frymë e re që do të jetë frymë pozitive për banorët e Gjilanit, por që kjo inisiativë jona të reflektohet edhe në nivelet më të larta”, tha z. Bilalli.

14.03.2009

L.Haziri, nënkryetar i Kryesisë qendrore dhe kryetar i Degës së LDK-së në Gjilan