Kristaq Shabani:RRUGËTIM PEGASI INTERNACIONAL PJESEMARRES NE SIMPOZIUMIN NDERKOMBETAR PRILL 2011

nga **Agim Gashi** Tue Jan 18, 2011 1:30 pm

Krisaq Shabani:RRUGËTIM PEGASI INTERNACIONAL
PJESEMARRES NE SIMPOZIUMIN NDERKOMBETAR PRILL 2011

Më i çlirët, më figurues në “AKPOLOLI I SHPIRTIT”

Vështirësia e krijuesit gjithmonë qëndron te kapërcimi për në një fazë tjetër më të nivelit. Të etur për të botuar produktet e tyre shumë krijues, apo “simpatizantë” të poetikës hedhin hapin e parë dhe ngecin. Nuk ndodh kështu me krijuesin Shezair Koko, nga Picari i Gjirokastrës, i cili del para lexuesit me një libër tjetër të arkitekturuar ndryshe. Nga libri i parë “Ëndra mbi det”, i cili pati reagime në kahje pozitive dhe tregoi se krijuesi i ri, mësues i profilizuar për shkencat ekzakte, ka botë të thellë shpirtërore, të bukur, mendim të ngjizur, ritualizon në fushën poetike, çuditërisht, me nerv dhe ka etje për konkurrim vlerash. Duhet theksuar se Shezairi, duke patur një pëlqesë të krijimtarisë popullore si dhe, duke qenë interpretues i këngës, pas titullit intrigues të librit të tij të parë “Ëndrra mbi det” (dhe përkthimit të tij në anglisht) si dhe pjesëmarrjes aktive në dy, tri veprimtari Ndërkombëtare të LNPSHA ”PEGASI” ALBANIA (Simpoziume me objekte të përcaktuara), kontaktit me modernizmin, përfaqësues të tij nga disa vende të botës; botimit të disa krijimeve të tij dhe jashtë vendit si në Greqi dhe Itali, del me një vëllim tjetër të titulluar intrigueshëm “Akropoli i Shpirtit”. Këto libra kanë një lidhësi shpirtërore dhe i dyti përvijon në ngjitje e risi të parin. Si rrjedhojë e përftesës dhe rritjes së nivelit shkrimor, ky libër ka trajta dhe tematikë të larme, ka më koincizitet, figurim dhe “hyrje” më me aftësi dhe pjekuri në “pasurinë kreative” të popullit, e sidomos të trevës nga origjinohet…Është më i çliruar nga kornizat krijimore, tenton që të përsiatet në figurimin dhe trajtimin e letërsisë numerike dhe lëndore, duke përdoruar “ termime” të shkencave të sakta e të përpikta. Ky, natyrisht, është një kontibut edhe në aspektin e trajtesës, por edhe në planin e kuptesës dhe shpjegimit metodik, një formatim të këndshëm, që sjell ngulitje në kujtesë të mendësisë, të nocionit, të përkufizimit nga lexuesi, e sidomos nga kontaktuesi me literaturën. Kjo vërtetësi përcaktohet vetëm nga njohësit e letërsisë së sotme moderne. Një prirje e tillë shpjeguese ka të bëjë me bashkërendimin dhe procesin e metodëdhënies në shkolla në këto objeksione progresiste.
Lirshmëria për të krijuar e Shezairit është rritur, krijimi ka më frymëmarrje, ka pëdorim të figurave të ndritshme, por ka ndryshesë edhe në arkitekturën poetike, grafikimin e vargut që kjo “panoramikë fizionomike“ e bën më tërheqës produktin e paraqitur…
Kjo ecuri, pra, është e përligjur, pasi kjo buron nga qëllimësi vetiake të autorit, i cili i ka kërkuar shumë vetes, për të konkurruar e garuar në këtë fushë.
Kristaq F. Shabani I.W.A, W.P.S
Gjirokastër, dhjetor 2010
I. Zemra ime 1000 fletëza

“Mëngjes”

U ndava nga ëndrra,
ndryshova kodin e shikimit,
për t’ju përshtatur
botës së gënjeshtrave…
Hapa perden
xhamat m’u ngjyrosën
kaltërsive.
Natyra ishte zgjuar më herët,
kishte ndezur zjarrin e saj
majë një mali
dhe cigarebardha e mëngjesit
po digjej
nga flakërimverdha e zjarrit.
*
Kot që të mendohesh,
i ka natyra të gjitha.
Hasmitari, për çudi,
thellonte themelet e gardhit;
një çift, diku larg,
shijonte muajin e mjaltit,
Pranvera kishte mbjellur
Fidanishten e pafundme
me punëtorët e padukshëm...

Mbylla sytë, “shkunda” kokën,
vesha bluzën, pandallonat
dola në rrugë i shkujdesur,
bërrylat më takuan
qindra bërryla njerëzish
(edhe vajzash bukurane),
bërryla nxitimi,
jo bërryla ngacmues.
Lokali, ku më çuan këmbët,
ishte mbushur plot,
Grupi i shokëve më priste
rreth tavolinës artistike,
si sufran i gjyshes sime...
Me gotën e rakisë
këmbeva të puthurën e parë...
Tri çështjet e bisedës:
Droga, Paratë,
Hiret e Femrave
dhe u përhumba
në thithjen e koçimares.
Pastaj nxita lirshmërinë
në rrëfimin e gjerave,
Pluhurin e çmendinës
e thithja me kënaqësi,
Xhepat i ktheva mbi tavolinë.
*
Kështu tabutë e mia
përfundimisht i groposa...
Vrasje në shtëpi,
vrasje në rrugë
Plagosje fëmijësh,
femrash,
meshkujt,
të gjitha gjinitë.
Çava guackën e turpit dhe dola,
nuk u fola asnjë fjalë budallenjve...
I flisja vetes së trullosur...

Përkufizim për veten

Sytë e mi: 1000 thjerza,
Koka ime: 1000 drejtëza,
Shpirti im: 1000 “menca”,
Zemra ime: 1000 fletëza
Trupi im: 1000 eshtërza
Malli im: 1000 heshtëza
Ndjenjëza ime: 1000 geishëza.

Dhimbja e nënës

Dhimbje syri,
dhimbje fjala,
dhimbje zemra,
dhimbje ëndrra,
dhimbje shpirti,
dhimbje mendja,…
Dhimbje çdo qelizë e gjallë…

Tharë syri,
vrarë fjala,
therur zemra,
tretur ëndrra,
djegur shpirti,
prekur mendja...
Si duron mëma për djalë?

I pakorruptueshmi

Lindën...
U rritën...
U poqën...
Bënë nga një shtëpi.
U martuan secili.
Bënë nga një fëmi.
Mbollën nga një pemë.
Pa dallim I varfëri
dhe I Pasuri i korruptuar...
Dolën një ditë në rrugë.
Shkarkesa qiellore i vrau të Dy.
Ishte llogari e një të pakorruptueshmi.

Kuptimi kafes

Kafja
nuk
është
vetëm
pije,

por
një
njerëzore
me
hije.

Puthje me sy të mbyllur

Mos më thuaj të dua
me sytë e ndritur,
Mos më thuaj, o shpirt,
sa të kam pritur.
Mos më thuaj
të dashuroj
dhe të kam idhull,
por puthëm,
sa të rroj,
me sy të mbyllur.

Xixëllonja

Shpirti yt, central i rrallë,
fik e ndez, s’di sa mall,…
Mos yllit mbi Gjeshnikosh
Ti ia bën me sy nga poshtë?!

Shezair Koko ka lindur në Picar të Gjirokastrës, ku edhe përfundoi shkollimin 8 vjeçar dhe të mesëm. Mandej vijoi studimet në Universitetin “Eqrem Çabej” Gjirokastër, në Faklultetin e Shkencave Dega Matematikë Fizikë . U diplomua dhe aktualisht është mësues i këtyr elëndëve në Shkollën 9 vjeçare Nepravishtë. Në fillesë të ushtrimit të të profeionit ka punuar si mësue si këtyre lëndëve në shkolën 9 vjeçare “Avni Rustemi” të qytetit të Libohovës.
Me krijimtari letrare dhe veprimtari kulturore artistike është marrë që në moshë fare të vogël,
ka botuar librin “Ëndërr mbi det” vëllim poetik, në vitin 2008 në Shtëpinë botuese “Marin Barleti “ Tiranë . Mandej përktheu këtë libër në anglisht”....................”. Ky është libri i tij i tretë
“Akropol i Shpirtit”
Është anëtar I LNPSHA “PEGASI” ALBANIA, qysh nga viti 2009.

“…Lirshmëria për të krijuar e Shezairit është rritur, krijimi ka më frymëmarrje, ka pëdorim të figurave të ndritshme, por ka ndryshesë edhe në arkitekturën poetike, grafikimin e vargut që kjo “panoramikë fizionomike“ e bën më tërheqës produktin e paraqitur…
Kjo ecuri, pra , është e përligjur, pasi buron nga qëllimësi vetiake të autorit, i cili i ka kërkuar shumë vetes, për të konkurruar e garuar në këtë fushë”.
Kristaq F. Shabani I.W.A, W.P.S

Kristaq Shabani:RRUGËTIM PEGASI INTERNACIONAL PJESEMARRES NE SIMPOZIUMIN NDERKOMBETAR PRILL 2011 167186_498262628185_678723185_6030279_3895775_n

Kristaq Shabani:RRUGËTIM PEGASI INTERNACIONAL PJESEMARRES NE SIMPOZIUMIN NDERKOMBETAR PRILL 2011 167186_498262628185_678723185_6030279_3895775_n

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30