Shpend Limoni: Dosti nga Kroacia

Dosti nga Kroacia






Nga Shpend Limoni më 15.03.2009 në ora 8:02

Njohja e pavarësisë së Kosovës nuk është bërë për inat të Serbisë. Opinioni kroat gjithmonë e ka ditur se ajo që ka vlejtur për Malin e Zi, Kroacinë, Slloveninë... vlen edhe për Kosovën.

Zlatko Kramaric, ambasadori i parë kroat në Kosovë, pa fshehur entuziazmin që ka marrë postin e diplomatit, shfaqet i vendosur për intensifikimin e marrëdhënieve mes dy vendeve.

Express: Edhe pse për një kohë të gjatë merreni me politikë në vendin tuaj, ardhja në Prishtinë - nëse nuk gaboj - është fillimi i karrierës tuaj diplomatike. Si reaguat kur morët vesh se do të bëheni ambasador në një vend fqinj?

Kramaric: Së pari nuk është punë e vogël të jesh ambasadori i parë në një vend. Do të mbetet një fakt i mirë se Zllatko Kramaric ka qenë ambasadori i parë i Kroacisë në Republikën e Kosovës. Kam qenë shumë i kënaqur kur mora vesh se do të vij në Kosovë. Bindjet e mia politike janë të afërta me ato të peshkopit Josip Juraj Strossmayer, i cili qysh para 150 vjetësh e ka pasur të qartë se hapësira e Evropës Juglindore - që do të thotë Kosova e sotme, Shqipëria, Mali i Zi, Bullgaria, Maqedonia - është hapësirë ku është i mundur penetrimi i politikës, kulturës dhe diturisë kroate.

Mendoj se ajo që ka vlejtur para 150 vjetëve, vlen edhe sot. Unë po ballafaqohem me një sfidë, ndodhem në shtetin më të ri të botës, në një rajon mjaft turbulent, ku duhet pasur shumë mençuri politike dhe aftësi diplomatike, e me gjasë për këtë edhe jam zgjedhur nga presidenti Mesic dhe kryeministri Sanader, si një njeri me përvojë që ka zgjidhur probleme në Kroacinë lindore. Unë kam qenë për 15 vjet prefekt i Osijekut në kohërat më të vështira të luftës dhe pasluftës. Një kohë kam qenë edhe deputet në Kuvendin e Kroacisë. Ndërkaq për punën time me bashkësitë etnike kam marrë një çmim nga NDI-ja në Washington, të cilën e kanë marrë Haveli, Sakharovi, Allbright...

Intervistën e plotë mund ta lexoni në numrin e sotshëm të Gazetës Express.


Dërgoi për Akllapin.net
Kadri Osmani