SHBA këshillon: Jo të tjera demonstrata në rrugë

nga **Agim Gashi** Sun Jan 23, 2011 2:21 am

Ambasadori i Shteteve të Bashkuara të Amerikës, Aleksandër Arvizu, dënoi demonstratën e dhunshme të 21 janarit, duke dënuar gjithashtu faktin se apeli i tyre për proteste paqësore ra në vesh të shurdhër.
“Është jashtëzakonisht për të ardhur keq që thirrjet tona që protestat e djeshme të ishin paqësore – thirrje që gjetën jehonë tek shumë njerëz si në Shqipëri ashtu edhe jashtë saj – nuk u dëgjuan.
Siç e kemi thënë shumë herë, e drejta për t’u tubuar lirisht vjen me përgjegjësinë për të bërë gjithçka për t’u siguruar që të jetë paqësore.
Dhuna së cilës i ishim dëshmitarë dje nuk ishte e nevojshme.
As nuk ishte e pashmangshme.
Mund të ishte shmangur”, tha ai.
Duke shtuar se duhet parandaluar që dhuna të mos ndodhë përsëri, për hir të të gjithë shqiptarëve.
“Jam thellësisht i trishtuar dhe i shqetësuar që disa persona vdiqën gjatë trazirave të djeshme.
Dua të shpreh ngushëllimet më të sinqerta familjeve të tyre.
U trishtova gjithashtu kur mësova që shumë të tjerë – protestues, oficerë policie, dhe ndoshta kalimtarë të pafajshëm – u lënduan, disa prej tyre rëndë.
Shpresoj vërtet që do të shërohen shpejt dhe plotësisht.
E djeshmja ka një të vërtetë të sigurt lidhur me ditën e djeshme dhe që është e rendësishme ta kuptojnë të gjithë. Nuk pati fitimtarë.
Pati vetëm të humbur. Ishte një zmbrapsje dramatike të cilën vendi duhet ta kapërcejë”, shtoi ai.
Arvizu deklaroi më pas se është e dëshmueshme se një grup i protestuesve kishte mbërritur për dhunë dhe jo për demonstrim paqësor në bulevardin para kryeministrisë.
“Kemi nxitur vazhdimisht për qetësi dhe vetëpërmbajtje dhe që tubimet të jenë paqësore.
Tubimi i djeshëm nuk ishte paqësor.
Kishte mijëra njerëz në rrugë dhe shumica dërrmuese e tyre, nga sa mund të shikoja, arritën me mjete dhe qëllime paqësore.
Por, ishte një grusht i vogël personash që arritën me një axhendë tjetër.
Për këtë, nuk ka dyshim.
Për këtë pati edhe raportime nga dëshmitarë okularë të besueshëm.
Duke pasur këtë në mend, po, jam shumë i shqetësuar mbi mundësinë për ndonjë demonstratë tjetër.
Kjo nuk është kohë për të tjera demonstrata në rrugë”, theksoi ai.
Duke përfunduar se kauza për të luftuar korrupsionin nuk justifikohet me mbajtje demonstratash të dhunshme.
Ai nënvizoi qartë se Shqipëria si një vend anëtar i NATO- ka institucionet e saj, e ato theksoi Arvizu, janë demokratike dhe funksionale.
“Dhuna në rrugët e kryeqytetit apo tjetërkund në Shqipëri nuk do ta zgjidhë problemin e korrupsionit në Shqipëri.
Është me rëndësi të mbahet parasysh që Shqipëria është një vend demokratik dhe një vend anëtar i NATO-s. Shqipëria ka përparuar shumë.
Shqipëria i ka institucionet demokratike; mund të mos jenë të përsosura, në fakt, ka vend për përmirësime.
Por, strukturat demokratike ekzistojnë dhe u duhet dhënë mundësia të kryejnë detyrën dhe të funksionojnë”, përfundoi përfaqësuesi amerikan në Tiranë./abc/

gazeta jonë

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30