Domonstrata homazh, nis marshimi qytetar drejt Kryeministrisë

nga **Agim Gashi** Fri Jan 28, 2011 4:47 pm

Domonstrata homazh, nis marshimi qytetar drejt Kryeministrisë

(I plotësuar) Mberrin kreu i Partise Socialiste Edi Rama, ndersa nga qendra e kryeqytetit ka nisur tashme marshimi homazh. Kreu socialist bashke me familjaret e viktimave dhe drejtues te tjere te opozites qendrojne ne krye te marshimit. Marshimit i prijne fotot e tre viktimave te 21 janarit.
- - - - - -
Demonstruesit që do të bëjnë homazhe për viktimat e 21 janarit kanë nisur marëshimin nga selia e Partisë Socialiste drejt bulevardit “Dëshmorët e Kombit”.
Një pjesë e tyre ndodhet aktualisht në rrugën mes selive të ministrive dhe pas pak dotë arrijnë bulevardin kryesor të kryeqytetit.
Demonstruesit mbajnë buqeta me lule, ndërsa në krye të tyre do dalin tre vetë me portretet e viktimave.
Protesta, që do të zgjasë rreth një orë, pritet të jetë e qetë dhe paqësore, sic është garantuar nga lidershipi i Partisë Socialiste.
Aktualisht kryetari i PS dyshohet se ndodhet në zyrën e tij në bashkinë e Tiranës, pasi nuk ka qenë në selinë e PS dhe nuk është shfaqur me protestuesit.
- - - - - -
Partia Socialiste, në prag të demonstratës-homazh të ditës së sotme, ka garantuar sërish ecurinë e qetë dhe paqësore të saj.
Në një deklaratë për shtyp, zëdhënësja e PS, Megi Ajtyresa ka ftuar policinë që të bëjë si duhet detyrën e saj dhe nga ana tjetër manifestuesit që të ruajnë qetësinë.
“Kemi respekt për cdo polic që është sot në krye të detyrës. Policia është e ftuar të bëjë detyrën dhe cdo protestues që të ruajë qetësinë. Kërkojmë qetësinë dhe heshtjen që imponojnë homazhet e sotme”, ka deklaruar Ajtyresa.
Në emër të PS, ajo është shprehur se në këto momente të rëndësishme për vendin, qytetarët shqiptarë duhet të tregojnë maturi.
“Shqipëria ndodhet në momente të rëndësishme. E gjithë bota i ka kthyer sytë nga ne. Të gjithë ne, demonstrues e policë, duhet të japim mesazhin se jemi një popull i qytetëruar dhe në rrugën e demokracisë”, ka shtuar Ajtyresa.
- - - - - -
Shqipëria sot do të shohë edhe një tubim antiqeveritar. Mbështetësit e Partisë Socialiste në opozitë planifikojnë të marshojnë në Tiranë për t'i nderuar tre protestuesit që u vranë një javë më parë.
Policia ka paralajmëruar se "nuk mund të garantojë" mbarëvajtjen e tubimit.
Të shqetësuara nga dhuna e mundshme, Bashkimi Evropian, Shtetet e Bashkuara dhe OSBE-ja u bënë thirrje socialistëve ta rishqyrtojnë vendimin për tubimin.
OSBE-ja ftoi kryeministrin Sali Berisha dhe liderin e socialistëve Edi Rama t'i kthehen dialogut.
>> Berisha: Ja plani i plotë i puçit

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30